Shillong, Jan 8: Ru•uta salrangoni nichaksoenggipa Germany-ni rock band Scorpions bilsi kolgrikmangni ja•mano Coming Home 2026 Tour-ni gita India-ona re•baenga parakataha.
Uamangni re•baaniko aro concert-rangko BookMyShow ong•atenga aro uamangni re•baani India-o rock music-ko namnikgiparangna gisik ra•beani ong•gen, aro a•songni a•gilsak gimikni live touring map-o donganikoba mesokgen.
Scorpions India-ona songjinma dambriona, chong•motan, Shillong-o April 21-o JN Stadium-o, Delhi-NCR-o April 24-o HUDA Grounds-o, Bengaluru-o April 26-o NICE Grounds-o aro Mumbai-o April 30-o Jio Gardens, BKC-ona re•bagen.
Ticket-rangko baditaba bak dake palatanirangko dakgen, uandake Artist Pre-Sale-ko Budbar sal, January 14 tariko, salni 12 bajio (IST) palgen, uni ja•man Kotak Mahindra Bank credit card donggiparangnasan Bristibar sal, January 15 tariko salni 12 bajio (IST) palgen. Uandake jinmarangna ticketrangko Sonibar sal , January 17 tariko, salni 1 bajioni (IST) BookMyShow-o palna a•bachenggen.
“Chinga ru•uta bilsirangni ja•mano India-ona re•angtaina kusi ong•bee nichaksoenga aro chingni gitrangko knagiparangko grongna skenga. Ia concert-rang chingna dingtangmancha gisik ra•beani ong•gen,” ine Scorpions-ni lead vocalist Klause Meine parakataha.
“Band-ko a•bachengatani bilsi sotdokni ja•mano, India-ona chingni ‘Coming Home’ concert-ko ra•baaniara chingna dingtangmancha kusini ong•a aro chingni aro chingni gitrangko knagiparangna gisik ra•bee maniani ong•gen,” ine Guitarist Rudolf Schenker agandapaha.
Apsandaken, Matthias Jabs-ba India-ona re•bae doka-dam•anirangko dakna namen nichaksoenga aro ian namen gualna amgijani ong•gen ine aganangaha.
“Scorpions a•gilsak gimiko rock music-ni itihaso dingtangmanchagioa biap ong•a. Uamangni bilsi kolgrikmangni ja•mano India-ona re•baaniara uamangni gitrangko knagiparangnasan ong•aija indiba India-o iandakgipa ong•atanirango dal•roroaniko mesoke chingna namen oroto gnanggipa ong•a. Ia tour-ara doka-dam•ani itihas, manderangni uamangna ka•saani aro doka-dam•aniko dake mesokani bilko maniani ong•a,” ine Live Events – BookMyShow-ni Chief Business Officer Naman Pugalia aganangaha.
Ia biap dambriona re•baaniara Bandland on Tour-ni bak ong•a, jean BookMyShow Live-ni Bandland IP-ni bak ong•a, ian India-o rock doka-dam•anirangko aro uandakgiparangko ra•bana kam ka•giparang ong•a.
A•bachengataoni bilsi sotbonga batgipa Scorpions pilak chasongrangoni rock band-rangoni ga•subatgiparangoni dolsa ong•a aro uamang 120 million record-dangna baten palnangaha aro dam 80 a•songrangna baten re•e doke-dam•e ring•anirangko dakaha. 1965-o a•bachengataonin, uamang ge 19 studio album-rangko tariaha aro dingtang dingtang ga•sugipa gitrang jekai Rock You Like a Hurricane, Still Loving You, Send me an Angel, aro Wind of Change-ko bikita baksana, Love at First Sting, Blackout aro Crazy World album-rangko tariaha.
Uamangni ga•subee git ring•ani aro doka-dam•anirangko dakanichi Scorpions ga•subatgipa git ring•gipa dolrangoni dolsa ong•a.
Scorpions-ko Rudolf Schenker a•bachengataha aro uamangni band India-ni git knagiparang – an•tang knagiparang college hostel-rang, cover band-rang aro chasongni chasongna git knagiparangna namen knatoani aro namnikani ong•a.
Uamangni 2026-o re•bapilani uamangni bon•kamgipa studio album-ni ja•mano uamangni bon•kamgipa re•roroe git ring•ani ong•enga aro ian uamangni chu•sokani giminsan ong•aija indiba uamangni gitrangko knagiparang baksa bon•kame gronggrikani ong•enga.
Kotak Mahindra Bank – Solitaire, uamangni Title Partner onh•a aro Jack Daniel’s Merchandise Scorpions: Coming Hone 2026 Tour-ni Associate Sponsor ong•a. Shillong-ni concert-ko Meghalaya Tourism; Event Planner The Circus baksa dakchake on•enga. Ticket-rang aro gipin kobor-rangko u•ina:
www.the-scorpions.com | www.bookmyshow.com-ona re•ange nibo
Na·simang iakoba nina man·gen:
Na·simang iakoba poraina man·gen: NCW, Assam-o mande badingsrukani case-rang batroroenganina jajrenganiko parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
