Guwahati, Aug 10: Assam a·doko songdongenggipa manderangko a·rikgale, manderangni kosako dokkol ka·na jotton ka·enga aro a·doko so·sojengjeng ong·anirangko namatna man·jaenga ine matnangenba, Assam a·dokni Chief Minister Himanta Biswa Sarma-ko kam watchina, AIUDF-ni general secretary aro MLA Hafiz Rafiqul Islam aro MLA Asharaful Hussain dabiangaha.
Assam a·doko niam retirangko rakkina man·jaenga ine Chief Minister-ko matnangatengon, Assam a·dokni dingtang dingtang a·jarango songdongkamgipa manderangkon a·rikgalna gita ua, ‘gunda’-rangko didienga ine Islam parakataha.
Islam-ni aganani gitade, a·songni niam bidikon a·songo songdongkamgipa manderangna, a·songni je biapoba kamko ka·e cha·na bilko on·ahachim indiba Assam-ode manderang, dingtang dingtang a·jarangona re·rurae dongnaba man·skajaenga.
Assam-ni Chief Minister-ko kam watchina aro Assam-o President’s Rule-ko ra·gatchina gitaba AIUDF-ni dilgipa dabiangaha.
Assam-o songdongenggiparangko a·rikgalengani gimin chief minister Sarma-ko matnangatengon, ian Assam-ni Muslim-rangko, gipin a·songrangoni katnapgipa manderang ine pa·sike a·rikgalna jotton ka·anisa ong·enga ine Islam parakataha.
Voter List-ko nipiltaiani gimin janapatskaengon, Assam a·doko 2015 aro 2019 bilsini gisepon NRC-ko ning·tue nipiltaiahani gimin iako dakna nangani dongjahachim ine AIUDF MLA aganaha.
Na·simang iakoba nina man·gen:
Na·simang iakoba poraina man·gen: Bidang MMA-o GH-ni susagiparang teng·sua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
