Guwahati, April 7: International Yoga Day-ko maniani bilsi 75 gapani bak gita Sukrobar salo, ‘Yoga Mahotsav’-ko Assam a·dokni Dibrugarh University kal·chakramo ong·atangaha aro ia Yoga Mahotsav-ko ong·atanio hajalni hajal manderang, re·bae Yoga kal·anio bak ra·angtokaha.

Ia Yoga Mahotsav-ko ong·atanio Ports, Shipping & Waterways aro Ayush-ni Union Minister Sarbananda Sonowal, mongsonggipa sokgipa ong·e jinmana aganprakangengon, ia Yoga Mahotsav-ko sokachakna man·aniara Dibrugarh-nasan ong·aigija Assam a·dok gimiknan mikkim rasongni ong·a ine aganangenba, mikkangchi mandeko an·seng baljoke rakkiangna man·na gita Yoga-ko a·songni Prime Minister Narendra Modi, a·gilsak gimikon bak ong·atna gita ka·dongsoenga ine parakataha.

Ia Yoga Mahotsav-ko Ayush Ministry-ni gita ong·atangaha aro ia Yoga Mahotsav-ona Tanzania, Uganda, Kenya, Togo, Nepal, Nigeria, Lesotho, Botswana, Egypt, Namibia aro Korea a·songrangoniba chatro chatrirang re·bae bakko ra·angtokaha.

Ia Yoga Mahotsav-ko ong·atanio Tripura a·dokni Chief Minister Manik Saha, Arunchal Pradesh-ni Chief Minister Chowna Main aro dingtang dingtang dilgiparangba re·bae bakko ra·angaha.