Guwahati, May 30: Assam a•doko songdongenggipa dol bonga toromni manderangna minority certificateko on•angna sombar salni cabinet tom•ao ra•chakangaha. Dolbonga dolrang jekai Muslim, Kristian, Budhist, Jainism, Sikh aro Parsi rangna ia ko on•angna Assam sorkari tik ka•angaha. Assam skotong minister Hemanta Biswa Sharma, chongipa aro bang•pagijagipa jat aro toromni mabderangni bidingo aganani ja•man, iako ra•chakaha. Chongipa jatranga sawarang uko Indiani niam-bidikon talatmanaha uni gimin ia gital dake niamko ra•gataniara jatsa jatgipinrangni gisepo nanggrikatnasa dakenga ine oppositionrang jekai AIUDF aro Congress dolrang matnangatskaaha. Indioba iako dakanichi Assamni ning•o donggipa chongipa jatrangko u•ina aro uamangna namgniko ra•banasa iako dakenga ine Assam BJP dolrang a•kangatskaaha.
Ia bilsini March jao Hemanta Biswa Sharma, chongipa aro bang•pagijagipa dolrangara sawarang ong•na kraa uko biapni kri, mande jela aro komiani kri, districtrango pangchakesa on•a kraa. Iano dingtang dingtang ku•sikrang aro uko aganenggipa jatrangni bidingo nangchapejawa ine aganahachim.
