Shillong, June 5: Meghalaya a•doko ding•ani bariani, mikka wani somoi dingtangni aro chirangna dilani batrikrikeaniko nikna man•anichi, salkarini dingtanganiko da•onian u•inagita man•angaha, ine Meghalaya Legislative Assembly-ni Environment Committee-ni Chairman Rakkam A. Sangma, World Environment Day-ko manianaganio aganangaha.
Shillong, Assembly-ni a•damo bolrangko ge•ani program-ko dakanga ja•man, a•doko sal kari dingtang rikrikengon, wilwilao donggiparangko chel•chake donnaniara gimikni daito ong•na nanga, ine Chairman aganangenba, manderangko aro ua jolo songdongenggiparangko bol wa•arangko ripenge donchina aro bol wa•arangko ge•china didiangaha.
World Environment Day-ko maniani bak dake, wilwilao donggiparangko ripenge rakkina aro mikrakataniko on•na legislator aro official-rang, ge 30 bol bi•sarangko Assembly-ni campus-o ge•angaha.
Bol wa•arangko ge•nasan gisik nangaijana indiba ge•giminrangko dal•atna aro simsaknaba gisik nangna, ine Meghalaya Legislative Assembly-ni Secretary Malthus S.Sangma, aganangaha. Ia program-o committee membor-rang Ollan Singh Suin, Arbinstone B. Marak aro Nujorki Sungoh baksana Assembly Secretariat aro Social Forestry Department-ni official-rangba bak ra•angaha.
Na·simang iakoba nina man·gen:
Na·simang iakoba poraina man·gen: Moran aro Motok-ni organisation-rang Konta 48-na jingjengatanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
