Shillong, May 8: Sukrobar salo, India-ona watatgipa Australian High Commissioner, Philip Green, OAM, Meghalaya-ni Governor CH Vijayashankar-ko Lok Bhavan-o grongenba, chubata gadango skia-porko dakani, chio kal∙susaanirango dakani, pangkamgipa silroro-namroroaniko ra∙baani, Australia aro Meghalaya-ni gisepo ning∙tubate bakrimani cholrang aro tribal manderangna niam bidiko pangchake chel∙chakaniko on∙ani bidingo chanchirimanirangko dakangaha. Ia tom∙anio Consul General of Australia to India Bernard Lynch, aro Governor-ni Additional Chief Secretary HC Chaudhary-ba bak ra∙angaha.

Meghalaya a∙doko songdonggipa tribal-rangna niamo pangchake chel∙chakaniko on∙ani bidingo Green mitele aganangaha aro Meghalaya-o songdonggipa jatrangni dingtangmanchagipa dakbewalrangko chel∙chakna aro ripingna tarigimin niamrangni bidingo ning∙tubate u∙ina skaniko parakataha.

Uandake Governor, Meghalaya-ni democracy-ni dakbewalrang, niam bidiko janapgimin chel∙chakanirang, aro a∙doko donggipa tribal-rangni dingtangmanchagipa niamrangko chel∙chake silroro-namroroaniko ra∙baani bidingo agan-talate on∙angaha.

Una agreba, dolgnian uamang chubata gadango poraianirangni gimin agangrikenba, skia-porao bakrimani cholrang, student exchange programme-rang, research partnership-rang aro Meghalaya aro Australia-ni skichakramrangni gisepo an∙tangtangni u∙i-ma∙sianiko agan-skie on∙anirangko cholrangni bidingo agangrikangaha.

Chadamberangko bilakbatatna, dingtanggipa chanchianirangko gipatna, aro a∙doko chubata gadango poraianirangko namdapatna a∙gilsakni dingtang dingtang biaprang baksa bakrimani gamchatani bidingo uamang agangrikangaha.

Meghalaya a∙doko ong∙telaigipa gam-jinrang aro nitogipa biaprang bang∙en dongani gimin, uamang a∙doko eco-toursim, adventure tourism, aro water sector-ko namdapatna dingtang dingtang kal∙susaanirang jekai surfing, kayaking, water skiing, aro diving-ko dakani bidingoba chanchirimanirangko dakangaha.

Una agreba, Meghalaya-o bang∙a rokomari sam-bolrang aro do∙o-matrang donganirangkoba Governor agan-talate on∙angaha aro samna jakkalgipa sam-bolrangko research-na, samra-sampilna aro dingtang dingtang janggi tangani cholrangko dake cha∙na man∙ani bidingo High Commissioner-na agane on∙angaha.

Adita somoirangna skang, Asian Confluence-ni Shillong-o ong∙atanggipa programme-oba Green bak ra∙angaha, jeon  nambata gadango skia-pora aro dakbewalrangko skie ra∙ani cholrangko ra∙bana a∙song damsa damgipin baksa bakrimranirangko bilakbatatani aro re∙a-doani cholrangko namdapatani gimin chanchirimanirangko dakangaha.

High Commissioner-ni Meghalaya-ona re∙baaniara Australia aro India-ni Salgro Salaram-ni gisepo bakrimanirang aro manderangni gisepo nangrimanirangko bilakbatatna uamangni gisik nanganiko mesoka.

Na·simang iakoba nina man·gen:

Na·simang iakoba poraina man·gen: All India Radio-ni bilsi 90 gapaniko maniani bak gita Tura-o ‘Walkathon’-ko ong•ata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub