Guwahati, Feb 7: Assam-ni Barak Valley-o janggi tangani cholrangna dilanichi aro ru•uta bilsirangna silroro-namroroani sokbagijanichi ritchani ritcha chadambe panterang janggitangtangko kengnio ga•akate Meghalaya-o niam gri koela cho•anirango kam ka•na draatako man•enga. Cachar, Sribhumi aro Hailakandi a•jarango janggi tangani cholrang dongbrejani gimin, salantio hajira kam ka•e cha•giparang koela a•damrang, ro•ong cho•anirang, itta tarigipa karkanarang, daka-rikani a•damrang aro chonchongipa karkanarango, mamung contract-rang, naljokna simsakanirang aro niamni chelchakani grirang kam ka•na nangronga.
Iandakgipa kengnirangni gimin uamang u•igenchimoba, bang•a manderangan gipin chol dongrongja.
“Chinga iano salprako gong Rs 300-rang man•a aro ian chingni nokdangrangko alduna chu•ongja. Uni gimin chinga Meghalaya-ona re•ange koela a•damrango kam ka•na nanga. Ian namen kenbegnigipa ong•a indiba chinga janggi tangna iarangko dakna nanga,” ine Barak Valley-o kam ka•gipa saksa aganangaha.
Iandake a•dok damsaoni damgipinona re•baw kam ka•aniara ru•uta bilsirangna Barak Valley-o mamung janggi tangani cholrang donggijanichi neng•nikanirangko man•ani a•sel ong•enga ine activist-rang parakataha. Panchgram-o Cachar Paper Mill-ko chipani, Chargola Sugar Mill-ko chipani, aro dal•dalgipa karkana gitalrang donggijanichi kam ka•e cha•ani cholrang komiaha. Ge•a-gamanio chirang name man•gijani, a•arangni komiani aro chi bantaitaianirangchi pangkamgipa janggi tangani cholko on•na man•jaha. Hydrocarbon-ni bidingo kam ka•anirang bang•a manderangna janggi tangani cholrangko on•na man•kujaenga, aro 2020-o parakatgipa Silchar-o multimodal logistics park-ko rikanirangko a•bachengatkuja.
“Meghalaya-o, mongsongbate East Jaintia Hills-ni koela a•damrango dam komigipa, hajira kam ka•e cha•giparangko nanganichi bang•a manderangan re•bana nangnikaha. National Green Tribunal-ni gita champenganiko on•genchimoba, scientific ong•gija bewalo koela cho•anirangko dakengkua, aro gipin biapchini re•bae kam ka•giparang apchongipa, chiarigipa nalaranggita napna nangenga,” ine activist saksa aganangaha.
Barak Valley-o janggi tangani neng•nikanirang namjana kingkingde, koela a•damrango naljokani gri, niamni kosako cho•anirangko dakna manderang re•angkuainaba gnang ine manderang agantokenga.
Na·simang iakoba nina man·gen:
Na·simang iakoba poraina man·gen: M’laya-ni koela a·kolo gopretanichi mande sigiparang sak 27 gapa, sak 9 sakinaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
