Shillong, Aug 21: Bangladesh a•song baksa nangchapgipa South West Khasi Hills a•jani sima jolrango mikkarang waanichi, signboard-rang be•tokaha aro ia biaprang gitan da•o Bangladesh a•songni manderang, napsrukbana man•engani gimin ian sima jolrango donggipa songni manderangna kenchakna nangani ong•skaenga ine sorkarini songe watatgipa membor sakgittamni committee, nikbana man•aha.
Ia membor sakgittam, chong•motan Meghalaya sorkarini Secretary Himalaya Shangpliang, Mendipathar-ni MLA Marthon J Sangma aro Vice Chairman Kitborlang Nongrem-ko a•dokni Chief Minister Conrad K Sangma aro Deputy Chief Minister Prestone Tynsong, simarango dakait dake ra•ani bidingo jolo songdongenggipa manderangni badi ka•e sedoatani ja•man, simarango ong•enggipa obostarangko am•sandiechina watatahachim.
Ia committee-ni membor sakgittam, Khonjoy B, Rongdanggai aro Maheskola songrangona re•ange, manderango sing•sandie ra•on, batanggimin sal somoirango mikkarang jime waani a•sel signboard-rang ga•aktokaha aro ia biaprang gita Bangladesh a•songoni ong•gija dakgipa manderang napsrukbana man•engani a•sel songni nokni manderang kenchipchipe janggi tangna nangtokenga ine u•iataha.
Ia jolrango Police aro BSF sipairangni nirokanirangko bilakbatatahaoba, ia jolrango songdongenggipa manderangna naljokaniko on•na gita pangkamgipa cholko nangenga ine committee-ni membor-rang aganaha.
Na·simang iakoba nina man·gen:
Na·simang iakoba poraina man·gen: Dhubri a·jao Bangladesh-oni songdongenggiparang bang·roroengani gimin CM mikrakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
