Dibrugarh, Sept 8: Bhupen Hazarika-ni atchiaoni bilsi 100 ong·aniara uni atchiani salko manianisan ong·aija indiba “Sudhakantha” ine uko gisik ra·aniba ong·a, jeni su·ugipa ku·rangan Brahmaputra-ni nitoanikosan ong·aija indiba chibima rikamo donggipa manderangni janggi tanganirangkoba ring·achi parakataha.
Ia mingsinggipa git ring·gipa aro Assamese jatko niksengatgipa mande-ni atchiaoni bilsi 100 ong·aniko manianirang da·aloni a·bachengaha, uandake Assam sorkari aro bang·a dolrangan uko mande ra·anirangko dakna tarisamsoengaha. Hazaika-ni saksakamkam depante Tez Hazarika, uni jikgipa aro depante baksa, uni pagipani atchiani salko manianirango bak ra·na, US-oni re·baaha. Robibar salo, Bobbeeta Sharma-ni tarigipa minute 65-ni ja·wilwat – Bhupen da Uncut-ko wate mesokaha.
“Bhupen Hazarika-ko uni atchiani salo anga gisik ra·a. An·ching uni atchiaoni bilsi 100 ong·aniko manina a·bachengon, anga uni janggi tangani, aro gisik ring·ani, aro uni million manderangni janggi tanganirango didianiko on·ani gimin anga adita ritingrangko seaha,” ine Prime Miniter Narendra Modi social media-o gatataha. https://x.com/narendramodi/status/1964887746507678150
Ia manianiko gisik ra·na, Ministry of Ports, Shipping and Waterways-ni (MoPSW) ning·o, Inland Waterways Authority of India (IWAI), “Bistirna Parore: Sadiya-oni Dhubri-ona doka-dam·ani aro ring·anichi songreani”-ko Tinsukia-ni Guijan-o a·bachengataha. Ia chibima-o songreaniko Hazarika-ni tarigimin gitrangoni mingsingbatgipani bimungchi mingaha, aro ian manderangni ku·cholsan, jatsan ong·e bakrimaniko parake Brahmaputra chibima joljol re·aniko dakgen. Ia songreaniko da·asalni pringo a·bachengataha aro Dibrugarh-ni Bogibeel-oni mongsonggipa manianirangko dakangaha.
Bogibeel-o manianirango noksarangko salsusaani, Dr. Hazarika-ni janggi tangani aro kamrangni bidingo sing·susaanirang, Moran, Motok, Tea Tribe Sonoam Kachari, Deuri, aro Gorkha jatrangni chrok-mesaanirangko dake, Bhupen Hazarika-ni jatna a·songna ka·sae dangdike on·anirangko niatpilanirangko dakangaha.
Mingsinggipa git ring·gipa aro dokgipa-damgiparangni mande ra·ani video-rangkoba mesokanggen, uamangara- violinist Sunita Bhuyan Khound, music directorrang Dhrubajyoti Phukan, Amrit Pritam, Lohit Gogoi, aro Syed Sadulla, unbaksana artistrang Ramen Choudhury, Samar Hazarika, aro toromni gitrangko ring·gipa Anup Jalota.
“Ia ring-o songreaniara Bhupen Da-ni gitrangni chasongni chasongna su·uaniko mesoka,” ine IWAI-ni Director Prabin Bora aganaha. “Uni segimin ritingrangara gitrangsan ong·aija indiba mande jatni, ku·cholsan nangrimani aro kakket ku·rang ong·a. Brahmaputra chibima gita, uni gitrang sima ari-rangko batsote mande jatni tom·tomani aro nangrimaniko mesokaha,” ine ua agandapaha.
Ia ring-o songreaniko Assam-ni mongsonggipa dambri biaprang gita dakangna tik ka·e donsoaha:
Bogibeel, Dibrugarh – Sept 8, Silghat, Tezpur – Sept 11, Pandu, Guwahati – Sept 15, IWAI Jetty, Jogighopa – Sept 18.
Biap damprakon, Hazarika-ni gitrang-ko ring·e mesokanirang, jatni dakbewalrangko mesokani, aro uni daka-rikaniko ja·rikenggipa manderangni dakmesokanirangko nikanggen.
Dr. Hazarika-na 2019 bilsio Bharat Ratna-ko on·aha, aro uni tarigimin gitrang jekai “Shillongore Godhuli” aro “Lien Makao” chasongni chasongna manderangna biaptangna aro mande jatna ka·saaniko mesokangkuenga.
Bistirna Parore-ko dakanichi, Assam aro India a·song Hazarika-ni atchiaoni bilsi 100-ko maniasan ong·aija, indiba Bhupen Hazarika-ni a·gilsakna donanggipa Brahmaputra-ni jringjrotna dongkamgipa ku·rangko manianiba ong·enga.
Na·simang iakoba nina man·gen:
Na·simang iakoba poraina man·gen: Nagaland Police noti dari-ni kamrangko ka·na rim·srukgipa manderangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
