Shillong, May 20: Meghalayani Ri-Bhoi aro East Khasi Hills a·jarangoni song dam-14oni bija jilgiparang bija jillani dakbewalrang aro bijarangni samtangtangna gamchatani aro manderangna janggi tangani cholrangko on·ani bidingo agangrikna tom·anirangko dakangaha. Ia tom·anirangko May jani 19 aro 20 tarikrango Meghalayani East Khasi Hills a·jani Laitlyndop-o North East Slow Food and Agrobiodiversity Societyni (NESFAS) World Bee Day-ko manianio ong·atangaha.
Ia manianio – bija jilgiparangna saksa sakgipinoniko skie ra·ani Workshop aro Agrobiodiversity Walkko (ABD), chong·motan samtangtangko re·jome nianiko dakangaha, jeon bijarangni namgnirangko ra·baani, samtangtangko ripingani aro pangkamgipa janggi tangani cholrangko on·ani gimin agananirangko dakangaha.
Ia manianirangara International Fund for Agricultural Developmentni (UN-IFAD) Indigenous Peoples Assistance Facilityni (IPAF) dakchakanichi NESFASni ka·enggipa projectni bak ong·a.
“Skanggipao, World Bee Day-ko manianiona chingko okamatanina anga NESFASko mitelna ska. Chinggita bija jilgipaskarangko gronge saksa sakgipinoniko skie ra·na chinga namen kusi ong·a. Ia workshop chinga pilaknan namgniko on·gen ine anga bebera·a. Chingko dakchakangkuchina aro chingni neng·nikanirangko u·ichakangchina anga NESFASko mol·molna ska,” ine Nongpriang songoni bija jilgipa, Bada Shabong aganaha.
NESFASni Senior Associate, Programme, Gratia E Dkhar jinmana aganengon, “Bijarang an·chingna an·chingni ong·telaigipa samtangtang baksa meli-nangrime dongani gamchataniko gisik ra·ate mikrakataniko on·giparang ong·a. An·ching badita biaptangna simsaka aro mande ra·a, inditan bijarangba tangna cholko man·a.”
Ia workshopo bija bitchiko tape nianikoba dakaha, jeon bija jilgiparang an·tangtangni bija dingtang dingtang bija bitchirangko ra·bae, uni su·uanirangko pilaknan cha·tote nina on·aha.
Bija jilgiparang biaptangtango man·gipa bijarang aro bija rokomprakni dingtangmanchagipa bewalrangni gimin talate on·angaha. Songrango bija jillani bewalrang, bija bitip rikanirang, bija bitchi jetani bewalrang aro bija bitchirangko ripingna taridapani bewalrangni giminba agangrike chanchirimanirangko dakangaha. Batanggimin bilsi 20ni gisepo, burung-bolgrimrang komiangani a·sel bijarangni komiangaha, bija bitchi man·ani komiaha, chadamberangni bak ra·ani komiaha , aro dingtangmancha antidam donggijani a·sel neng·nikanirangko man·aha.
ABD Walk-ko dakani somoio, Laitlyndop songoni, ma·gitcham pagitchamrangni dakbewalrangni gimin u·i-ma·sigipa aro bija jilgipa Mr. Welcome Synrem chatro-chatrirangko songni biaprangko re·dilaha, aro an·tangtangni dingtang dingtang u·i-ma·siani jekai bijani opipa bibalrang, bijarangni dongbewalrang, janggi tangani cholrangko on·ani aro uandakgiparangni gimin talate on·angaha.
NESFAS aro unbaksa bakrimgiparang ia songrangko mikkangchiba dakchakangkugen aro bija jilgiparangko bil gnangatna kam ka·angkugen ine ku·chakanikoba on·angaha.
Na·simang ia video-koba nina man·gen:
Na·simang iakoba poraina man·gen: Sakgni me·chikrang Kibothu-oni Koteshwar-ona tandem rengrengsilo songreangengen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
