Shillong, Oct 13: Bilsi 4 ong·kuenggipa Insaphira Lyngdoh Mawnai sagiko, drae sripe siataha ine Special Investigation Team (SIT) am·sandie nienba parakataha.
Batanggimin September 15 tariko, sikonge dongenggipa chio sripe dongenggipa Insaphira-ni manggisiko nikna man·aha. Indake ia a·sel ong·chakgipa biapona ua an·tangan rimangaha ine bilsi 13 ong·kuenggipa me·a bi·sa an·tangan ku·rachakahani gimin September 18 tariko uko rim·enba Juvenile custody-o donataha.
Ia a·sel ong·aniara rang·gitik champengsona man·gija a·sel ong·gipa ong·ja indiba ia me·chik bi·sako draesa chio sripe siataha ine am·sandie nianio u·ina man·aha, indake ong·genchimoba ia obosta biscuit-na jegrikani gimin ong·ahama ma gipin obosta jekai, drae til·ekna jotton ka·ahani gimin ong·ahama da·o dipet man·sina man·kujaenga, indiba am·sandianiko dakkuenga ine SP Syiem parakataha.
Ia a·selo gipin manderang jak dongama dongja uarangko sing·sandiengkua, indiba da·o dipet de ia bilsi 13 ong·kuenggipa me·a bi·sakosan dossi ine ma·sina man·kuenga ineba SP aganaha.
Iani bidingo am·sandianiko dakengkua aro ia am·sandianiko matchotman·ahaon chargesheet-ko segatgen ineba ua talataha.
Na·simang iakoba nina man·gen:
Na·simang iakoba poraina man·gen: North Shillong MLA licence gri chalaienggipa dolrangko nirokatchina Deputy CM-ko mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
