Shillong, March 28: Meghalaya Democratic Alliance (MDA) sorkari, uni kam ka·ani bilsi chet ga·tapman·ahaon politics-o tom·tomaniko ra·baani, rama-jal·angrang aro uandakgiparangko rikanirang aro manderangna bang·a namgnirangko ra·baanian uni mongsonggipa chu·sokanirang ong·a ine Sonibar salo a·dokni Skotong Minister Conrad K Sangma parakataha.
Sorkari bang·a neng·nikanirangko chagronge namataha aro a·dokni mikkangchina namroro-silroroanina re·gni ramako mesokaha ine SRGT Football Ground-o programme ong·engmitingo Sangma jinmana parakataha. Ia tom·bimonganio Khasi aro Jaintia Hills a·jarangni minister-rang, legislator-rang, official-rang aro bang·a manderangan bak ra·angaha.
“Da·alo, chinga nipilaton, chingni chagronggipa neng·nikanirang aro jako ra·e kam ka·gipa cholrangko chinga gisik ra·atpila. A·dokni gisik nanggipa dilgiparang aro manderangni bakrimanichi, chinga Meghalaya-ko re·mikkangdilanio nanggipa dakchakaniko man·aha,” ine ua aganangaha.
Uandake ia chu·sokanirangara saksa mandeni kam ka·anichi ong·ja indiba dilgiparango manderangni ka·dongani aro bebera·anichi ku·cholsan krengani a·selsa ong·aha ine Minister aganangaha.
Re·anggipa bilsi chet-ni gisepo sorkariko tom·tome rikna man·aniara uamangni dondikgija kam ka·ani aro rai-rangko ra·ani a·sel ong·aha ine ua talataha. “Tom·tomani gri, silroro-namroroani dongna amja,” ine ua aganaha.
Rama-jal·lang aro uandakgiparangko daka-rikanian uamangni dakna nangchongmotgipa kamrang ong·a inenba, Khasi Hills jolo ming 1,576 project-rangko a·bachengataha, aro Jaintia Hills-o kror ₹21,000-ni project-rangko ra·baenga ine aganangaha. Ianoni mongsonggiparangara rama-jal·lang, tourism-ko namdapatni cholrang aro New Shillong township-ko taridapanirang ong·a.
Manderangna namgnirangko ra·bana gita, sorkari bang·a scheme-rangko a·bachengataha ine Sangma aganangaha. PRIME programme-ni ning·o kror ₹32.7 tangkarangko re·anggipa bilsi bongani gisepo sualataha, aro tourism aro manderangni janggi tangani cholrangko namdapatna ine kror ₹136 tangkarangko koros ka·aha. Una agreba, kror ₹40 tangkarangko songo-noko doka-dam·ani aro git ring·anirangko namdapatna jakkalaha.
Samtangtangko ripinganian sorkari dakna nangchongmotgipa kam ong·a ine aganenba, songni-nokni manderangni dilanichi burung-bolgrimrangko ripingna, Green Meghalaya initiative-rangni ning·o kror ₹120 tangkarangko tikataha ine Sangma aganangaha.
Poraia-skiani aro janggi tangani gadangrangko namdapatna krengengon, lak sa ong·nasipile chatro-chatrirang kror ₹60 tangkarangko scholarship dake man·aha. Gipin man·gipa cholrangara CM Elevate-ni ning·ao kror ₹146, game cha·giparang aro uandakgipa dolrangna LIFCOM-ni ning·o kror ₹56, aro floriculture-na ₹50 – uandake gimik-gimang kror ₹500 ong·nasipile tikataha.
Manianirang aro uandakgipa tom·bimonganirangna tangkarangko koros ka·ani bidingo manderangni matnanganirangna aganchake, iandakgipa maniarangko ong·atanichi tourism-ko namdapate aro janggi tangani gadangko tang·doate Meghalaya aro Shillong-ko a·gilsak gimiko mingsinggipa ong·atna ine miksonganiosa ong·atenga ine Sangma talatangaha.
Programme-ko ong·atani somoio FOCUS+, Green Meghalaya+, CM Elevate, LIFCOM aro floriculture aro uandakgipa scheme-rangni ning·ao tangka-paisarangchi dakchakanirang aro work order-rangko sualataha. Una agreba, samtangtangko ripingna kamrangko ka·dilahanina u asak 37 songni dilgiparangko mande ra·anikoba dakangaha.
Iarangna agreba, MegLife-ni ning·ao ge 128 community hall-rang aro CM Elevate-ni ning·ao ge 35 warehouse-rang aro common facility centre-rangkoba video conference gita oprake on·angaha.
Sorkarini dondikgija kamrangko ka·enga ine gisik ra·ataniko on·enba, manderangni nangnikgipa silroro-namroroanirangko ra·baangkugen ine Sangma ku·chake on·angaha.
Na·simang iakoba nina man·gen:
Na·simang iakoba poraina man·gen: Police ine an·tangko tol·dragipa saksa gari salgipako Shillong-o doke saknaata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
