Guwahati, April 24: Operation Wings of Dawn-ko India-ni Salgro Salaram jolo donggipa Bnei Menashe jatni sak 5,000 manderangko, mongsongbate Manipur a·doko songdongenggiparangko Israel-ona rimangna miksonganio a·bachengataha.
Iani skanggipa salo, sak 250 manderangko India-oniko Delhi gita rimangaha aro uamang April 23 tariko Ministry of Aliyah and Integration baksana Jewish Agency for Israel nirokanio Ben Gurion Airport-ona sokangaha.
Uamangni sokangon uamangna rimchaksoani chonbegipa program-ko ong·atangaha jeon mongsonggipa manderang jekai Minister of Aliyah and Integration Ofir Sofer, Jewish Agency-ni Chairman Doron Almog, World Zionist Organization-ni Chairman Yaakov Hagoel aro Sephardic Chief Rabbi David Yosef-ba dongpae bak ra·angpaaha.
Benjamin Netanyahu-chi chalaienggipa sorkarini sak 4,600 mangni gita Bnei Menashe manderangko Israel-ona jitatna dakchakaniko on·china tik ka·a ja·man ia ja·ku de·aniko dakataha.
Batanggimin bilsi 20-rango, mongsongbate Manipur aro Mizoram a·dokoni sak 5,000 mang Bnei Menashe jatrang Israel-o songdong a·chatokeaha.
Na·simang iakoba nina man·gen:
Na·simang iakoba poraina man·gen: Manipur-o gogrikanichi sak 3 sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
