Guwahati, Apr 24: Sukrobar salo, Manipur a•dokni Ukhrul a•jao donggipa dingtang dingtang biaprango, silchidare kegipa dolrangni gogrikanichi komibeoba sakgittam manderang so•otako man•aha aro ia jolrango so•sojengjeng ong•anichi, songni manderangna kenjagokataniko ra•bataiaha.
Police-rangni u•iatani gitade, Sukrobar pring 11:25 bajimango ma•mongni sipai dolrang, so•sojengjeng ong•gipa biaprangona re•angengmitingo, Litam Police Station-ni ning•o donggipa Mullam aro Shonhphal songni gisepo, mande sakgnini manggisiko man•aha.
Ia mande sakgniara, Naga bobil dolni chadrapanio so•otako man•gipa, songni volunteer-rangsa ong•achim ine Kuki dolrang parakataha. Kuki Organisation for Human Rights-ni aganani gitade, Naga bobil dolni manderang, Sukrobar pring 5:30 bajimangonin Kukirangni songdongenggipa songrangko, silchidarerangchi goe aro nokrangko so•e chadrapna a•bachengaha. Ia a•sel ong•anio me•chik aro bi•sarangko man•chape bang•a manderangan saknaanirangkoba man•aha ine u•iataha.
Indake ong•engon, Sukrobar pringo, Kamjong a•jani ning•o donggipa Chatrick Khullen songoni bilsi 29 ong•gipa Horshokmi Jamang-koba Sinakeithei songo Kuki bobil dolni manderang so•ote galaha ine Tangkhul Nala Long parakatskaaha. So•ota man•gipa mandeara, songko nitimenggipa mandesa ong•achim aro ia mandeko Kuki bobil dolni manderang, Sirarakhong aro Sinakeithei songni gisepo so•ote galangaha ineba Tangkhul doloni parakataha.
Na·simang iakoba nina man·gen:
Na·simang iakoba poraina man·gen: Gauhati HC Cong-ni dilgipa Pawan Khera-na anticipatory bail-ko on·na jechaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
