Guwahati, Jun 30: Assam a•dokni Bokakhat-o grenade bomako gopretanina rim•ako man•gipa mande sakgni, Robibar walo police-rang baksa gogrike saknaanirangko man•na nangaha.
Koborko on•ani gitade, ia mande sakgniko police-rang sing•sandiani ja•man, uamangni dongnue dongipa silchidarerangko sandiengmiting somoio ia a•sel ong•aha.
Rim•a man•gipa mande sakgniara Bhavesh Kalita aro Sanjeev Baruah ong•a aro uamangko police-rang, re•anggipa June 26 tariko, Tezpur aro Lakhimpur-oniko rim•ahachim.
Police official-ni aganani gitade, ia manderangko police-rang sing•sandion, uamang pistol ponggniko Panbari Agriculture farm-o dongnue donaha ine aganani gimin, uamangni dongnue dongipa biapona uamangko rimangon, uamang police-rangoni kate jokna jotton ka•aha aro police-rang uamangko goaton, uamang sakgnian guli nangako man•e saknaanirangko man•na nangaha.
Ja•mano ia mande sakgnikon sanna gita hospital-ona rimangaha ineba police official aganaha.
Ia manderangni dongnue dongipa pistol ponggniko police-rang man•aha ineba ua aganaha.
Police-rangni am•sandie man•ani gitade, Bokakhat-o grenade gopretanio jak dongna nanga ine police-rangni chanchichipenggipa Ankur Das aro Rupjyoti Das-naba ia manderangan grenade bomarangko on•ataha.
Re•anggipa June 24 tarik walo, grenade gopretanichi Assam-ni police sakgittam, chong•motan Siddhartha Borbora, Sushil Bhumij, aro Mintu Hazarika, saknaanirangko man•aha aro ia a•selni bidingo police-rang, Bhavesh Kalita aro Sanjeev Baruah-ko June 26 tariko rim•aha.
Na·simang ia video-koba nina man·gen:
Na·simang iakoba poraina man·gen: Saksa sakgipinko mande ra·grikanichi politics-ko dilna nanga ine Mizoram CM ku·mongrimaniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
