Boko, March 3: Re·baenggipa 2026 Assam Legislative Assembly election-rangna, Indian National Congress uni sakanggipa list-o sak 42 candidate-rangni bimungrangko parakataha. Ia list-ko party-ni Central Election Committee ra·chakaha aro AICC General Secretary K.C. Venugopal parakataha, aro iano bang·a dal·dalgipa dilgiparang aro gital rimnapgiminrang donga. Uandake, Assam Pradesh Congress Committee-ni (APCC) president aro Lok Sabha-ni MP Gaurav Gogoi Jorhat-oni susaanggen, aro Opposition-ni dilgipa Debabrata Saikia Nazira-oni susaangskagen. Gipin mingsinggipa dilgiparangara Barchalla-oni susanasienggipa Ripun Bora aro Barkhetri-oni susanasienggipa Diganta Barman, aro unbaksana dambekuenggipa dilgiparang jekai Samaguri-o susanasienggipa Tanzil Hussain ong·a.
Gitalgipa bikotgimin Boko-Chaygaon constituency-o No. 28), All Rabha Students’ Union-ni (Nikhil Rabha Satra Santha) gitcham president Ramen Singh Rabha-ko Congress bimung mingaha. Koborko parakatani ja·mano, Rabha, party-ni dilgiparangko mitele aganangaha, aro uano songdonggipa manderangna “uamangoni saksa ong·pae” dangdike on·anggen ine ku·mikchetangaha. Uni campaign-ko ua manderangni namgnina pangchakanio ka·anggen aro constituency-o donggipa manderangni bilchi cheanggen ine ua aganangaha.
Ua jolo donggipa Congress worker-rang Ramen-ko Congress candidate-na bimung minganiko namnike ra·chakaha aro ua ru·uta somoirangoni chatro-chatrirangni aro jatni namgnina kamrangko ka·engaha ine parakataha. Uni candidate ong·aniara tribal voter-rangoni dakchakaniko man·na aro Lower Assam-o party-ko bilakatna jotton ka·ani ine party-ni manderang nikna man·enga.
Skanggipa list-ko parakatanichi, Assam-o election-o susaanina oprakaniko dakangaha, aro uno gitcham dilgiparang aro songni-nokni manderangko donbrinaha. Da·o uamang dingtang dingtang constituency-rango kamrangko ka·a baksana a·doko BJP-ni bilakaniko warachakangna nanggen.
Na·simang iakoba nina man·gen:
Na·simang iakoba poraina man·gen: P.A. Sangma-ni 10-gipa siani salko Ri Bhoi a·jao manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
