Guwahati, July 22: Shravan-ni rongtalgipa ja ong·engon bang·a hajalni hajal bebe ra·giparang Guwahati-o donggipa gitcham Batistha mondir nokona, mongsongbate Robibar wal aro sombar pringni somoio uamangni Lord Shiva mitena on·kanggipa “Bol Bam” manianio bak ra·na re·batokaha. Bang·a bebe ra·giparangan holdi rong chikgipa ba·rako gane, rama gimik “Bol Bam” kattako mangtate chel·begipa Batistha chibimaoniko kanwar ingipa a·ani me·diko chi ko·bae mondir noko chi ruaniko daka.
Mondir nokni kamal Nayan Moni Sarma, ia Shravan Mela-ko July jani 10 tarikoni a·bachengataha aro ian Rakhi Purnima-ona ong·anggen ine aganan baksana Robibar aro sombar salorangsa bang·bata bebe ra·giparang re·batoka ineba ua u·iatengaha. Ia mondir nokara namen rongtalbegipa ong·a maina ian Lord Ram-ni skigipa Rishi Batistha-ni bi·aniko dake rongtalgipani bilko man·gipa rong·kol ong·a ineba ua janapataha.
Udaipur-oni skanggipa changna ia mondir nokona re·bagipa Bharti, ianona re·baaniara una gisikni tom·tomani aro kusiniko ra·baaha ine ua aganaha. Ua jolo songdongkamgipa, Mayan Prajapati, chonmitingoni ua Sukreshwar mondir nokona uni miksonganirangna bi·aniko dakna re·angronga aro uni bang·bata bi·anirangkon knachakaha ine ua an·tangni bebe ra·aniko parakataha.
Ia Bol Bam manianiko India gimikon aro Nepal-oba ja·rika, ian gisikni gita rongtalatani aro uamangni mite-na kim·kim ong·e on·kanganiko mesoka. Re·baenggipa sal aro somoirango ia manianiona bang·bata bebe ra·giparangko re·bana ka·dongsoenga.
Na·simang iakoba nina man·gen:
Na·simang iakoba poraina man·gen: Chang 10-gipa Meghalaya State Shooting Championship-o North Garo Hills ge-7 medalrangko ama
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
