Guwahati, Apr 1: Assam a•dokni South Salmara-Mankachar a•jao, ring bolsa bikpilenba a•sel ong•aha aro ia a•sel ong•anio bi•sa saksako man•chape sakgittam manderang sina gita nangaha.
Jolo songdongenggipa manderangni u•iatani gitade, ia ring Kali Alga Ghat-oni Nepur Alga Charanchal-ona manderangko choangengachim indiba ua somoio bilakbee balwarang balahani a•sel ia ring chibima jangchion bikpile a•sel ong•aha.
A•sel ong•a bakan samba jolo na•tok rim•enggiparang aro gipinrangba a•sel ong•anio ga•akgipa manderangko jokatna rikangaha aro sak 20-mangkode jokatna man•aha.
Ia ringo songreenggipa manderangara Robibar salo bazar anti cha•e noktangtangona re•pilangenggipa manderangsa ong•achim ineba jolo songdongenggipa manderang parakataha.
A•sel ong•anio sianggipa mande sakgittamni manggisirangko Bangladesh a•songchipak man•eaha ineba kobor on•aha.
Indake ong•engon, da•o Ismail Hussain aro Kubad Hussain minggipa mande sakgniba gimakuenga aro uamangko SDRF-ni sipairang sandikuenga ine kobor on•timgiparang u•iataha.
Na·simang ia video-koba nina man·gen:
Na·simang iakoba poraina man·gen: Meghalaya-o mikka balwa ta•raka a•sel sak 200 manderangni nokjamrang nosto ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
