Shillong, Sept 27: All India Catholic Union (AICU), jean bilsi 106 ong·gipa Catholic Laity Movement dolsa ong·achim, uni National President Er. Elias Vaz-ni dilanio general body meeting-ko Mangalore-o ong·atangaha, jekon (MLC) Ivan D’Souza a·bachengate on·angengon, Karnataka Assembly-ni Speaker U. T. Khadar-ba bebe ra·ani tom·bimongani “Bandhutva” -ko a·bachengate on·angskaaha.
Mangalore-ni Bishop, Most Rev. Peter Paul Salhanda-ko man·chape, Mangalore University-ni Professor gitcham Prof. Rajaram Tholpady aro Kannada-ni ki·tap serakgipa Fatima Ralia ia tom·bimonganiko ong·atanio jinmana aganprakaniko dakangaha.
2025 bilsini January jaoni August jaona Uttar Pradesh-o ming 123, Chhatishgarh-o ming 117-ko man·chape chu·gimik ming 508 ong·a obostarangko janape India a·song gimiko Kristian bebe ra·giparangni kosako chadrapani batroroanina jajrenganiko AICU parakataha. Iani gisepon, dam 12 a·dokrango anti-conversion law-ko constitution-ni a·palo ong·a ine matnangatengon, police dolrangni ming 36 case-rangkosan segataniara uamangni gisiko nanggijani ba dal·e ra·gijanikoba mesoka ineba uamang janapataha.
Union-ni gita kakketgipa aro mikkang niteani grigipa election-rangko ong·atchina, jolo OBC-rang aro Dalit-rangko kakket channaniko dakan baksana Kristian Adivasi-rang aro tribal-rang an·tangtangni Scheduled Tribe ong·aniko gimaatjana gita chel·chakaniko on·chinaba AICU u·iataha. Uasan ong·aigija, uamang ian mikkang nitee Kristian-rangko mangsonge dakgipa kam ong·a inenba, Arunachal Pradesh Freedom of Religion Act, 1978-ko ra·bapilanikoba uamang jegalataha.
Tom·aniko ong·atmiting somoio, AICU-ni gital website-koba a·bachengate on·angan baksana AFSPA-ni bidingo Manipur-ni dake niani bidingo John Shilshi (IPS, Retd)-ni segipa ki·tapkoba oprake on·angjolaha.
AICU dol, Election Commission-o ka·donganiko rakkipiltaian baksana bang·pagija donggipa jatrangni kosako ka·o nangatgipa campaign-rangko jegalenba, Mother Teresa aro Mahatma Gandhi-ni ka·saaniko ja·rike kamko ka·china India-ni President, Higher Judiciary aro Union Government-ko didiataha.
Na·simang iakoba nina man·gen:
Na·simang iakoba poraina man·gen: World Food India 2025-o rokomari cha·anirangko taridapani bidingo Meghalaya-ni bimung nadoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
