Guwahati, Jan 8: Guwahati-ni Special CBI court, Manipur a·doko jatsa jatgipin baksa golmal ong·anio jagokpilgipa ong·a obostani bidingo sak 6 manderangni kosako case-ko segatan baksana uamangko court-o mikkang paatchina ge·etaniko on·ataha. Ia ong·a obosta re·anggipa 2023 bilsini May 4 tariko ong·aha, jeon jinma manderang· sak 3 me·chikrangko uamangni chola ba·rarangko chite galenba, uamangko ba·ra kanchagri nagande rama re·ataha aro uamangoni sakgniko jinma til·ekdraenba, duko ga·akgipa mandeni ba·rima sakgnikoba so·ote galaha.
CBI, jean Manipur a·doko golmal ong·ani bidingo am·sandianiko dakengachim uamang ming 27-na bate police case-rangko jako ra·angaha aro iano me·chikrangni kosako ong·gija kamrangko ka·ani ming 19 case-rangko man·chape so·otani, silchidarerang sekdraani, mande jinma golmal ka·ani, mande rim·srukani aro niam pe·anirangko man·chapa.
Special Judge Chatra Bhukan Gogoi, uamangko dosi gnang ine court-o bichal ka·na chu·onga gita sakkirang gnang ine u·iataha. Matnangako man·gipa manderang video call gita court-o mikkang pa·enba, uamangni kosako badi ka·anirangko knaa jaman uamang dos dongja ine jechakataha. Matnangako man·giparangoni sak 4 pattok ning·o donggiparangara, Huirem Herodash Meitei, Ningombam Tomba Singh ba Tomthin, Yumlembam Jiban Singh ba Naocha ba Sana aro Pukhrihongbam Suranjoy Meitei ong·a. Court-ni gita ia sak 4 manderangko Guwahati-ona January jani 16 tariko re·bae mikkang pa·echina aro uamangni kosako badi ka·anio soi ka·echina court u·iataha.
Na·simang iakoba nina man·gen:
Na·simang iakoba poraina man·gen: Tripura-o chatro chatrirang ‘Black Day’-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
