Shillong, Oct 15: Bengaluru-o cha·boke Business Process Outsourcing (BPO) firm-ko chalaienggipa sak 16 manderangko Bengaluru Police rim·aha aro uamangoni sakbri de Meghalaya a·dokoni ong·a ine u·ina man·aha. Ia manderang United Nations aro Canada a·songni manderangko online gita cha·bokgiparang ong·a.
Police-rangni aganani gitade, ia manderang HSR Layout-o pangchake Cybits Solutions Pvt. Ltd ingipa Company-ko chalaienggiparang ong·a aro cha·boke BPO-ni kamko ka·e on·giparang ong·a. Uamang sak 20 ba 25 manderangko rakkienba online gita training-rangko on·ani ja·man gipin a·songni manderangko cha·bokchina ge·etaha.
Indake Meghalaya a·dokoni rim·a man·gipa manderangara, F. Minot Kankai (32), R. Remison Bamon (30), K. Phani Leybha Nangzi (27) aro F. Eljiba Mary Marbaning (23) ong·a aro gipinrangara Maharashtra, Odisha, Madhya Pradesh, West Bengal aro Gujarat-oni ong·a.
Bengaluru Police Commissioner Seemat Kumar Singh-ni aganani gitade, ia manderang an·tangtangko U.S Law Enforcement-ni officialrang ine dakjie manderangko drug badingsrukenga ine dagrange tangka paisarangko cha·boke cha·ronggipa ong·a ine u·ina man·aha.
Uamangoniko ge 41 computer-rang, ge 25 mobile phone, ID Card, router, modem aro gipin bosturangko man·aha ineba Commissioner aganaha.
Ia manderangni kosako suo moto case-ko HSR Layout Police Station-o segataha aro iandakgipa kamo sawa mancha dal·bate jak donga aro badita tangka paisarangko cha·bokaha Police-rang am·sandianiko dakkuenga.
Na·simang iakoba nina man·gen:
Na·simang iakoba poraina man·gen: GHADC-ni dormahana cr 79.5-ko sorkari watata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
