Dibrugarh, June 30: Dibrugarh Press Club, uni bilsi sotbonga ong·aniko maniengon, uni “Aamar Alohi” series-ni ning·o “Yarlung Tsangpo-ni Mega Dam aro uni ra·banagipa obostarang: Dibrugarh-oni Guwahati aro Bangladesh-ona” ine katta bichongko done agan-ku·pattiani program-ko da·asalni bako ong·ataha.
Ia agan-ku·pattianiko dakengon, mingsinggipa geologist aro Dibrugrah University-oni neng·takgimin skigipa Dr. Jogendranath Sharma, China-ni miksongenggipa Medog Hydropower Project-ni a·sel Assam ka·majolo bang·a ong·telaigipa obostarangko ong·atna ama ine aganaha. Ia 60,000-MW-ni project-ko December 2024-o ra·chakaha, ian India-ni dal·batgipa dam-rangna bate chang-60 dal·bata, aro uko banggrisimgipa aro ong·telaigipa a·selrang ong·simsimgipa Medog County-o rikenga.
Chi ta·rake jokenggipani a·mang aro an·chengrangko man·pakani a·sel, a·ningni chi-rang jingjengatako man·gen, wachikarirango mikkwa waaniraang tik ong·jawa aro pilak janggi gnanggiparangna kenani aro million 2 na·tok rim·e cha·giparangni janggi tangani cholrangna neng·nikaniko ra·banaba gnang ine Dr. Sharma talate on·aha. Indo-China ku·mongrime ong·nasigipa obostarangko nigrike kam ka·sona ine ua didiaha, aro banggrianirango ia dam be·grue 1950 bilsio Assam-o ong·gipa obosta gita apsandake ong·naba donga ine aganaha.
Brahmaputra-ni Bangladesh-ona jokanganio, Yarlung Tsangpo 5%mangni gitasan jokanggenchimoba, dam-ni a·sel kengnirang bang·a ine ua talataha. India-ni rikna miksongenggipa 11,000-MW Siang project-ko iako champengsona rikna man·gen, indiba uaba samtangtangna namgijaniko ra·bagen ine ua aganaha.
Arunachal Pradesh-oni Siang Indigenous Farmers Forum-ni (SIFF) manderang ia program-o gisik nange bak ra·angaha aro Siang chibima-o NHPC-ni Siang Upper Multi-Purpose Project-ko rikani bidingo uamangni chanchianirangko parakangaha.
Ia tom·bimonganiko Dibrugarh Press Club-ni secretary Ripunjoy Das dilaha aro uno adita mingsinggipa manderang bak ra·angaha, jekai All India Radio & Doordarshan Programme Head Lohit Deka; senior journalistrang- Iqbal Ahmed, Ron Dowerah, Lakhikanta Majindar Baruah, Lalit Sharma, Anil Poddar, Prabir Chakraborty, Ajoy Dutta, Sourav Dowerah; aro Dibrugarh and Tinsukia-ni adita journalistrang. NE Dire Services Academy-ni Director, Gandhapati Chungkrang-ba ia program-o dongpaaha.
Dibrugarh Press Club Dr. Jogendranath Sharma-na phulam gamocha aro memento-ko on·aha aro uni chu·sokatgimin kamrangko janape uko mitelaha. Ia programme-ko ong·atna dakchakanina Press Club, NEFSA-koba mitele aganaha.
Na·simang ia video-koba nina man·gen:
Na·simang iakoba poraina man·gen: A·chik chatro-chatrirangko NEHU-o admission ra·na dakchakna ANSU help desk-ko a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
