Shillong, Jun 30: Ramarango ma•manti bosturangko palbadinge cha•enggipa manderangni kosako ong•gija dakgipa kamrangko namatchenggijade Khyndailad-o palbadinge cha•enggipa manderangko a•rikgalna man•jawa ine Meghalaya & Greater Shillong Progressive Hawkers & Street Vendors Association (MGSPHVA) mikrakataniko on•angaha.
MGSPHVA-ni membor Angela Rangad-ni parakatani gitade, dokkan donggipa manderangnan sorkari, licence-rangko on•eba, ramarango palbadinge cha•enggipa joltangni manderangnade dingtang dingtang a•selrangko pa•sike licence-rangko on•na jechakengachim.
MUDA parking area-o palbadinge cha•ani biaprangko rikna tangka paisarangko koros ka•ani gimin sing•doangskaengon, iani bidingo Provisional Town Vending Committee-ni mikkango parake on•na nanggen ine Rangad aganaha.
Ia kamo uamang sorkari baksa bakrimaniko on•enga ine talataniko on•angengon, ramarango palbadinge cha•enggipa joltangni manderang, an•tangtangni janggi tangani cholrangko gimaatjana gita aro an•tangtangni man•gnina chanchie dakenggipa manderang, kangal cholgrirangni bimingo an•tangtangni man•gnina niamko pe•na man•jana gita ong•gija dakgipa kamrangko namatchengchina nangnikenga ine MGSPHVA-ni membor, sorkario dabiangaha.
Ramarango palbadinge cha•enggipa manderangna Khyndailad jolo dingtangmancha biapko on•china gitaba Rangad, sorkariko mol•molangaha.
Na·simang ia video-koba nina man·gen:
Na·simang iakoba poraina man·gen: China-ni Medog Project-ni a·sel Assam-o obostarang ong·gen ine expert-rang agansoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
