Agartala, Jun 30: Robibar salo, Tripura a•dokni Bishalgarh Central Jail-o bilsi 58 ong•gipa mande saksa siani ja•man, Agartala songjinmani New Capital Complex (NCC) police station-o adita so•sojengjeng ong•aniko nikna man•aha.
Koborko on•ani gitade, ia mandeara New Capital Complex sambao donggipa Goyalabasti-oni Kailash Roy minggipa mande ong•achim aro police-rang, kate dongenggipa ia mandeni depanteko police-rangna bame on•na gita didichina ia mandekosa rim•e sasti on•skaahachim.
Kacharini official saksako doka ine matnangenba police-rang, ia mande aro uni depanteko rim•ahachim indiba police-rangni matnangako jolo songdongenggipa manderangde jegalskaaha.
Police-rangni rim•angaoni sal 11-mangni ja•man Kailash Roy, Bishalgarh Central jail-o siaha aro iani bidingo koborko man•soani ja•man nokdangni manderang baksa bang•bea manderang, NCC police station-o tom•chimonge, kakket bichalko on•china dabiangtokaha.
Dosgri mandeko police-rang rim•e sasti on•ani a•selsa ua siaha ineba manderang, police-rangni kosako jegalanirangko dakangtokaha.
Ia a•selni bidingo talataniko on•angengon, Kailash Roy aro uni depanteko police-rang rim•ani ja•man sing•sandiaha aro ja•mano kachariona rimange judicial custody-o donataha ine Sub-Divisional Police Officer (SDPO) Subrata Barman parakataha.
“Da•alo Roy jail-o siaha ine chinga koborko man•soaha aro uko Bishalgarh Hospital-ona ra•angon, doctor-rangba uko siakosa ra•baaha ine parakataha. Da•o uni manggisiko post mortem ka•na gita GB Pant Hospital-ona watataha,” ine Barman aganaha.
Roy-ni siani a•selko talatangengon, report-rango mesokani gitade, ua a•bachengonin saanirang donge, jail-o ua ka•bakni saaniko man•aha indiba post mortem report-ko man•ahaosa talbate ma•sina man•gen ine SDPO aganaha.
Na·simang ia video-koba nina man·gen:
Na·simang iakoba poraina man·gen: Ong•gija kamrangko namatjaskalde Khyndailad-o palbadinggiparangko a•rikgalna man•jawa: MGSPHVA
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
