Guwahati, May 7: AIUDF-ni padot Badruddin Ajmal, Assam Assembly-ni election result-rangko parakata ja·man, Congress-ko matnangataha. Congress-ni kam ka·ani bewalrang aro kenatgipa politics-ko kal·ani a·sel opposition dolko bilgriatan baksana AIUDF-na dal·bea gimaaniko ra·baaha ine aganangaha.
Guwahati-o ua kobor ra·timgiparangna aganengon, Congress-ara Assam-o “Muslim League” gita ong·enba, Himanta Biswa Sarma-chi dilenggipa BJP sorkariko bilakbate jegalna man·jaha ine Ajmal parakataha.
Congress-ara, BJP baksa politically dakgrikani pal, Himanta Biswa Sarma bilona re·bapila ong·ode inesa Muslim voter-rangko kenataha ine Ajmal matnangataha. Iani gisepon, AIUDF-ko amna gita Congress aro BJP bakrime kamko ka·angaha ineba ua matnangatkuaha.
AIUDF, damgni seat-rangosan chegenchimoba uamang NRC, detention camp, chi ban re·ani, a·a be·anirang baksana Assembly-ni ning·o aro a·paloba bang·pagija donggipa jatrangni bilrangna ku·rangko on·aniko dakangkugen ine aganangaha.
Ua Congress-ni dilgiparang jekai Gaurav Gogoi aro Pawan Khera maangko, election-na campaign ka·ani somoio an·tangtangni biapko naljoke rakkina man·jaha ine matnangataha.
Pawan Khera-ni agangipa kattarangni bidingo janapatengon, Congress an·tangni “secular” ong·ani bimangko gimaatahani gimin ua duk ong·a ine Ajmal parakataha.
Kolkata-o election ja·man dakgrikanirangko Ajmal raken jegalatengon, election-ni jaman mande so·otanirang ba dakgrik dingrikanirang ong·na nangja ine ua u·iataha.
Na·simang iakoba nina man·gen:
Na·simang iakoba poraina man·gen: Hahim songni manderang an•tangtang dolong rika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
