Tura, Mar 15: Tura-ni Lok Sabha seatna Garo Hills a•jani opposition Congress Party-ni wennanio dakchakna aro mangrakbatatna, Trinamool-ni gitcham MLA, Lazarus M Sangma, Bristibar salo South Garo Hills a•jani Chokpot-o tom•bimonganiko ong•atanio, jinmani mikkango party-o bakrimangaha.
Batanggimin 2018 bilsio, Congress party-ni ticket-o susaanio, Lazarus M Sangma-ko Chokpot Constituency-ni manderang seokahachim, indake bilsi 4-ni jamano ua Congress party-ko watenba, gitcham Skotong Minister Mukul Sangma-ni dilenggipa All India Trinamool Congress (TMC) dol baksa bakrimahachim, indake ong•genchimoba 2023 bilsini Election-o ua Trinamool Congress (AITC)-ni ticket-chi susaangahachim indiba, NPP-ni Sengchim N Sangma-chi ama cha•ahani gimin ua gitcham party-ona bakrimtaina re•bapilaha.Indake, uni re•bapilaniko, Congress-ni State Working President Deborah C Marak aro Lok Sabha-ni candidate, Saleng A Sangma, kusi ong•e dal•bee rimchaksoaniko dakangaha.
“Chingni campaign ka•ani salsana batrikrike bilakbatroroenga aro bang•a opposition dilgiparang chingona re•baroroenga. Garo Hills a•jani manderang, batanggimin somoirango chingni ka•gimin kamrangni gimin aro itihasni gimin u•ienba, chingni Congress party-ko ia changni Election-o chena ka•dongsoenga” inenba Deborah Marak aganaha.
Garo Hills a•jaoni, Trinamool dolona Congress doloni bakrimanggipa sak 8-oni, 2023 bilsini Election-o Mukul Sangma, Songsak Constituency-o aro demechikgipa Miani D Shira, Ampati Constituency-o, sakgnisan chegipa ong•aiaha.
Na·simang iakoba poraina man·gen: Meghalaya Industrial and Investment Promotion Policyko a·bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
