SHILLONG, MAR 30: National People’s Party (NPP)ni dilgipa Conrad K Sangma Sonibar salo a·dokni BJP dilgiparang aro kam ka·giparang baksa tom·e chanchirimaha aro ia changni Lok Sabha eleksino Shillong aro Tura damgnion chena ka·donganiko parakaha.
“NDAni nangrimgimin dol ong·e Shillong aro Tura damgnion chegipa ong·gniko chinga ka·dongen agansona man·a” ine tom·a matchoto Conrad aganaha. NPPna chakenggipa gipin dolrangko gronganide NPPni kam ong·a ineba ua agandapaha.
“BJPna kam ka·giparangko aro dingtang dingtang mandalrangni presidentrangko tom·atchina anga uamangni dilgiparangko aganaha. Chingni candidaterangna chake kam ka·enganina anga uamangko mittelaha aro NDAni candidaterang chechina rake kam ka·china uamangko mol·molaha. Mikkangchi ja·ku ga·anggni kamrangni bidingoba chinga chanchirimaha.”
“Uni gimin, da·alo grongani mongsonggipa kamde BJPni dilgiparangko mittelanian ong·a, maina Shillong aro Turao NPPni gita chakatenggipa NDA candidaterangna kam ka·engani gimin da·alo BJPna kam ka·giparangko dingtangmancha okamaha,” ine Conrad aganaha.
Ma·mongni BJP dilgiparangba NPPna wene kam ka·engama ine sing·on, “Anga uamangni palo aganchaknade man·ja, indiba uamang re·baoba re·bajaoba joltango donggipa dilgiparangan mongsong ong·a, maina a·damo donge kam ka·giparangan mongsong dingtanganikode ong·atgen. Chinga da·alo kusi ong·a, maina BJPni dilgiparang, mongsongbate Khasi aro Jaintia Hills a·jarangni bang·bata dilgiparangan da·alni tom·anio bak ra·an baksa chu·ongnikanikoba man·aha. Maiba jajrengchakanirang gnangode uamang parakaha aro uarangni bidingo kam ka·na chinga jotton ka·aha, aro Meghalayani damgni biaprangon chegipa ong·gen ine ka·donganikoba on·aha” ine Conrad K Sangma aganaha.
Conradni aganani gitade Northeast a·dokrang gimikon NDAo bakrimgipa dolrang uamangni candidaterangko cheatna ku·mongrime kamko ka·enga, aro indaken bano sako chakatatgen uamangni gisepo nigrike dakanirang dongenga.
“Mesokna gita, Manipuro seat damsade NPF aro damgipin BJP; Nagalando NDPP, Arunachal Pradesho BJP; Meghalayao NPP. Ia bewalon NDAo bakrimgimin dolrangni gisepo golpogrikani dongaha. Anga Pemaming agangrikaha, anga Manipurni, Arunachalni, Nagalandni CMrang baksa agangrikaha, aro ia Lok Sabha eleksino maikai chu·sokna man·gen chanchirimaha. Uni gimin, NDA-o bakrimgimin pilak dolrangan dolsa gita re·mikkangenga. Ua bewalosa, anga Nagalandona re·angon NDPPni candidatena chakaniko aganaha, aro apsan dakgipa bewalon BJPba NDAo bakrimgipa dolrangni candidaterangna chakpaaniko parakaha,” ine Conrad Sangma NDA dolrangni nangrime kam ka·engani bidingo talataha.
“Dipul Marak watangahachim indiba da·ode NPP-ona re·baaha. Uana BJPo namnikgijani dongja. Uan BJP-o donge ning·in ning·in chakani pal NPP-o nape parak pasang chakanisan ong·aia. Uani bidingo namnikgijani ong·kataha ine chanchiode uan ong·gija chanchianisan ong·aia, maina saoba watangahaoba uan NPP-o ba NDA-on dongkuenga” ine, BJP-oni NPP-o napeani gimin maiba namnikgijanirang donggenma ine sing·anina Conrad aganchakaha.
Na·simang ia video-koba nina man·gen:
Na·simang iakoba poraina man·gen: Meghalaya aro North-East gimiko, sanna bannaniko napdapatna ARHI hospital-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
