Tura, Mar 23: District Council election-o susana gita Scheduled Tribe (ST) certificate-ko nangtelgipa ong•atna Assam & Meghalaya Autonomous District (Constitution of District Councils) Rules-ko taridapaniko Sombar salo Garo Hills Autonomous District Council (GHADC) ra•chakangaha.
GHADC-o ia gital niamko ra•gatna gita membor-rangni ku•cholsan nangrime pass ka•aniko Sombar salo, a•dokni Cabinet Minister Marcuise N Marak, Tura-ni Hawakhana-o donggipa National People’s Party (NPP) office-o parakataha aro iako parakatengmiting somoio, a•dokni Chief Minister Conrad K Sangma, Meghalaya Legislative Assembly-ni Speaker Thomas A Sangma, NPP-ni gipin minister-rang aro dingtang dingtang dilgiparangba dongpaaha.
Ia koborko parakaton, NPP office a•palo senge dongenggipa bang•bea manderang, jinma kusi ong•e chrik a•boktokaha.
GHADC election-na Tribal ong•gijagipa candidate-rangoniba nomination file ka•na jotton ka•ani ja•man re•anggipa March-ni 9 tarik aro March-ni 12 tarikni gisepo so•sojengjeng ong•anirangko nikna man•angahachim. Iandake so•sojengjeng ong•anirangko nikna man•ahani gimin GHADC-o ia gital niamko ra•gatna man•na gita a•dok sorkari, election-ko dontongatchengenba, GHADC-ni term-ko jadokna ra•dodapataha.
Indake ong•engon, GHADC-o gital Executive Committee-ko songani ja•man gital Chief Executive Membor-koba seokaha aro ST certificate-ni bidingo jinma chanchirime pass ka•na man•na gita Sombar saloni a•bacheng salgnina special session-ko ong•atchina a•dokni Governor, GHADC-na ge•etaniko on•angaha.
GHADC election-o susana gita ST certificate-ko nangtelgipa ong•atna ra•chakahani gimin da•o iako niam pil•atna gita a•dokni Governor-ona watatgnok.
Na·simang iakoba nina man·gen:
Na·simang iakoba poraina man·gen: Assam election-na nomination file ka•ani matchotanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
