Guwahati, Mar 23: Re•baenggipa April 9 tariko ong•atenggipa Assam Legislative Assembly election-na nomination file ka•ani ba susana gita lekkarangko on•ani Sombar attamo matchotangaha aro ia bon•kamgipa salo, Assam a•dokni dingtang dingtang biaprango, dingtang dingtang political party-ni candidate-rang, an•tangtangni District Commissioner office-rango nomination file ka•angtokaha.
Guwahati songjinmaoba ia nomination file ka•ani bon•kamgipa salo, BJP, Congress aro Independent candidate-rang, jinma re•jombae, District Commissioner-ni office-o an•tangtangni election-o susaani lekkarangko on•angaha.
New Guwahati constituency-oni Congress candidate ong•e susaenggipa Santanu Bora-ba, ia bon•kamgipa salo, an•tangni lekkarangko on•angaha aro ia election-o an•tangni chena ka•dongenganiko parakangaha.
Dispur constituency-o BJP-ni candidate ong•e susaenggipa Pradyut Bordoloi-ba ia election-o chena ka•dongenganiko parakataha.
Ia chango ua gital dake BJP-ni tikitchi susaskaenga ine janapatengon, BJP-ni nokdang gimikan una chakpaaniko on•engani gimin ua ia election-o chegipa ong•na ka•dongenga ine Bordoloi aganaha.
Assembly election-na nomination file ka•ani da•o matchotangahani gimin Assam a•dokni dingtang dingtang biaprango, pilak political party aro candidate-rangan, bilakbee campaign ka•na a•bachengtokskaengaha.
Na·simang iakoba nina man·gen:
Na·simang iakoba poraina man·gen: An·ching Manderang, An·ching Chadamberang: Patharkhmah
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
