30.6 C
Tura
spot_img

Court-ni gita bichal ka•e dos gri ine tik ka•giminko Meghalaya High Court bikpilata

Must read

Shillong, Sept 28: 2006 bilsio St. Anthony’s College ni bilsi 21 ong•gipa chatro Bipblab Das-ko so•ota ine matnanga man•gipa manderang, Bernard Lyngdoh Phawa aro Bonie Lyngdoh Phawa-ko court-o bichal ka•e nianio dos gri ine tik ka•giminko Meghalaya High Court bikpilataha. Indaken Chief Justice Sanjib Banerjee aro Justice Wanlura Diengdoh, bichal ka•e nianio ia manderang dos donga ine nike section 302 IPC-ni ning•o pangchake janggi tanga gimikna aro unbaksa, Section 201 IPC-ni ning•o pangchake bilsi gittamna rakbegipa sastirang baksa patoko donchina September 27 tariko rae on•ataha.

Ia case, Bipblab Das-ni 2006 bilsini February 18 tariko gimaoni a•bachengaha. Indaken uni gimanina am•sandianiko a•bachengata aro donnuenggipa sakki sabit rangko man•anichi 2006 bilsini February 20 tariko, rim•srukangahanina Indian Penal Code-ni Section 364A-ni ning•o pangchake rim•aha. Uni jamano Bernard baksa agangrike sing•sandianiko dakanio Bonie minggipa mandeba ia kamo bak donga ine nikna gita man•aha jekon joljol 2006 bilsini February 23 tariko rim•aha.

Police rang, ia manggisiko 2006 bilsini 20 tariko post-mortem ka•e niaha aro Bipblab Das-ko gitokko rim•geke siataha ine rim•a man•aha. Je gita police rang jotton ka•beoba Court bichal ka•anio Bernard aro Bonie dos dongja ine 2019 bilsini March 26 tariko watatpilaha.

Indake ong•genchimoba, da•o High Court -o gital sason ka•enggipa kragija kamko ka•ahanina ia manderangko dos donga ine parakataha aro sastiko on•ataha.

Iakoba poraie nina man·gen: GSU-EZ-ni election-ko ong·atna tik ka·aniko EZ-ni ning·o donggipa unit-rang jegala

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

spot_img

More articles

spot_img
-->

Latest article