Shillong, Dec 5: Meghalaya a•doko gong crore 13-ni Eco-tourism project-na chamgipa tangka paisarangko jakkalsretaha ine badiaba badiaba songbadrango seaniko Meghalaya a•dokni Chief Minister Conrad K Sangma jegalatenba, iandake koborko on•aniara kakket ong•ja ine talataniko on•angaha.

Iani bidingo talataniko on•angengon, ia project-ara gong crore 13-ni project-sa ong•a aro ia project-ni ning•o komibeoba dam 8 ba dam 9 biaprango nokrangko rikani ong•achim ine Chief Minister parakataha.

Chief Minister-ni aganani gitade, ian 2017 bilsio NEC-ni chamatgipa project-sa ong•achim aro ia project-ko 2018 bilsio MDA sorkariko rikna skangan ra•gatahachim.

Damsa damgni biaprangona agrede bang•bata biaprangon kamrangko matchotaha ine janapatengon, mitam biaprango kamrangko matchotkujaenga ba tangka paisarangkosa gamna nangkuenga ine Chief Minister talataniko on•angaha.

“Ia koborko on•giparang, manderangna ma•sisretaniko ra•baaha maina ian gong crore 1300-ni project ong•ja indiba gong crore 13-ni project-sa ong•achim,” ine Sangma parakataha.

Gong lak 90-ni project-o adita matchotkugijagipa kamrang dongkuenga ine talataniko on•angskaengon, ia kamrangko matchotja ong•ode tangka paisarangko gamjawa ine Chief Minister parakataha.

Kakketko name sandichenggija skatang songbadrango seanichi manderangko dilsretjachina gitaba ua mikrakataniko on•angaha.

Iakoba poraie nina man·gen: M’laya-ni gital Assembly nokko 2024 bilsini July-August jao matchotna nisan dona

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub