Shillong, April 16: Vande Mataram-ni bilsi 150 ong·aniko mande ra·bee gisik ra·bean baksa World Art Day 2026-ko April 15 tariko Shillongo namen an·saobee maniangaha aro uno bang·a artist-rang, scholar-rang aro niamko tarigiparang bak ra·angaha.
Ia manianiko Lok Bhavan-o ong·atangaha aro uno Leonardo da Vinci-ni atchiani salko gisik ra·a baksana India-ni jakgitelanina dakgrikanina aro a·songna ka·saaniko parakgipa gitni bilsi 150 ong·anikoba maniangaha.
Meghalaya Assembly-ni gitcham Speaker Charles Pyngrope ia tom·bimonganiona mongsonggipa sokgipa ong·e re·baaha aro unbaksana dal·dalgipa officialrang aro art-ko tarigiparang jekai F. R. Kharkongor, Manaj Saha, Biplap Roy, R. V. Warjri aro Raphael Warjri bak ra·angaha.
Jinmana parake aganatengon, Charles Pyngrope, songsal-ko rikanio art-ni gamchatani gimin talatangaha aro India-ni jakgitelanina dakgrikani somoio dingtang dingtang chasongrangni manderangna didianiko on·gipa bil gnanggipa git ine Vande Mataram-ko janapangaha. Una agreba, Shillong-ara namen nitogipa aro gun gnanggipa biap ong·a ine ua aganangaha.
Ia manianio art exhibition-koba ong·atangaha jeon a·songni dingtang dingtang biaprangoni sak 40 artist-rangni ma·manti da·ororoni aro jatrangni dakbewalrangni bidingo salgipa noksarangko oprake on·angaha.
Meghalaya a·doko aro Salgro Salaram jolo noksa salanirangko dakani bidingo parak ong·kugijagipa changa-sapanirang bang·en donga, aro ianoni gadang a·songni aro a·gilsak gimikni gadangona sokdogenchimoba, ianoni manderangna bang·a dakchakanirangko aro a·gilsakni dingtang dingtang nika-nianirangko on·na nangkuenga ine Saha talatangaha. Uandake, International Association of Art – India artist-rangna cholrangko apalbatatna kam ka·anggen ine ua aganangaha.
British-rangni sason ka·anio somoirango Shillong-ni skotong songjinma ong·e kamrangko ka·chakgipa aro manderangni gisepo dingtanganiko ra·bagipa ong·ani bidingo Meghalaya-ni State Coordinator, Raphael Warjri talate on·angskaaha. Indake ong·genchimoba, a·doko chu·onga gita art institution-rang aro gallery-rang dongja inenba iarangna dakchakna nambata cholrangko nangenga ine aganangaha.
Ia manianio adita u·i-ma·sigipa manderangba art-ni gimin agan-talatanirangko dakangaha. Meghali Goswami Meghalaya-ko art-ni itihas-ni gimin aganangaha aro digital artist Shovin Bhattacharjee India-o digital art-ni ong·baani gimin aganangskaaha. Unbaksana Prakash Kishore-ba a·songo uni artist ong·e dal·rorobaani gimin aganangaha aro Arak M. Sangma A·chik dakbewalrangni gimin agan-mesoke talatanirangko dakangaha.
Tom·ani bon·kamao, B. D. R. Tiwari, Indian art-ni ong·baani aro ong·angkuani bidingo aganangaha ro a·songni chanchibewalanio Vande Mataram-ni su·uani gimin talatangaha.
Programme-ni a·bachengao aro bon·kamao Silbi Passah Vande Mataram-ko ring·dilani aro doka-dam·anirangko dakdilangenba, manderangni gisepo ku·mong-nangrimani aro art-ko jakkale gisikni chanchianirangko parakatanirangko mesokangaha.
Na·simang iakoba nina man·gen:
Na·simang iakoba poraina man·gen: Greater Shillong Waste Management Agency-ko kulina Cabinet ra•chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
