Tura, July 19: Dadenggre civil sub-division-koba ru·uta bilsirangonin gital district songchina dabitokengani gimin Sombar salo a·dokni Cabinet Minister aro Dadenggre-ni MLA James PK Sangma, Dadenggre-o NPP-na kam ka·enggipa manderang baksa a·dokni Chief Minister Conrad K Sangma-ko grongeaha.
Iani bidingo Dadenggre-ni MLA aro Dadenggre-o NPP-na kamko ka·enggipa manderang, dingtangmancha memorandum-koba on·angjolaha ine u·iataha.
Chief Minister-ko grongeani ja·mano kobor setimgiparangna seachi parakatengon, Dadenggre-ko 1982 bilsion sub-division songahani gimin da·o a·doko gitchambatsranggipa sub-division-rangoni damsa ong·enga aro da·o Dadenggre sub-division-ko district-ona ra·doatchina gita jolo songdongenggipa manderang nangniktokengani gimin NPP-ni dilgiparang, Chief Minister baksa agangrikeaha ine Dadenggre-ni MLA aro a·dokni Cabinet Minister James PK Sangma parakataha.
Indake ong·engon, uamangni agananirangko chief minister namen knachakaha aro ia kamko niatna gita ku·rachakataha ineba Sangma parakataha.
