Guwahati, Jun 16: Assam a•doko dal•dalgipa dam project-rangko dontongchina aro Assam-o chi banani baksana a•a ruronganirangko a•songni neng•nikani dake ra•china dabie Sombar salo Asom Jatiyatabadi Yuba Chatra Parishad (AJYCP), Assam a•dokni pilak biaprangon jingjengatanirangko dakangaha.
Guwahati-o AJYCP Kamrup Mahanagar district committee-ni sak 100-na baten membor-rang, Silpukhri-o tom•chimongenba, Assam a•doko dal•dalgipa dam project-rangko chu•gimik dontongchina dabie, Assam aro ma•mong sorkarini kosako jegalanirangko dakangaha.
Ia jingjengatanio AJYCP-ni general secretary Sukumar Barman, kobor ra•timgipa manderang baksa agangrikengon, uamangni dabianirangko man•e a•bachengode Assam-o dam project-rangko dontongna ma•mong sorkariba ku•rachakahachim indiba da•o manderang baksa agangrikchenggija kamrangko a•bachengpiltaiahani gimin uamang Assam aro ma•mong sorkarini kosako jegale ia jingjengataniko dakenga ine parakataha.
Assam-o dal•dalgipa dam-rangko rikengani a•selan chi banani aro a•a ruronganirangchi ka•ma jolrango songdongenggipa manderangna nangchakeanirangko ra•baenga ine janapatengon, Assam-o dal•dalgipa dam project-rangko dontongjaskal uamang jingjengataniko dontongjawa ine AJYCP-ni general secretary aganaha.
Na·simang ia video-koba nina man·gen:
Na·simang iakoba poraina man·gen: Tura Bypass-ko rikna ma·mong sorkari Kror 951 tangkarangko tikata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
