Williamnagar, Jan 6: Chengonin dakrongbaenga gita Krismas aro Gital Bilsini somoirango A•chikrangni ring•ani aro chrokani Songkritanko ripinge rakkiangkuna aro gital chasongni manderangna u•iatrikrikna gita miksonganio, Dawa Gittinggre Youth Club, dingtangmancha Songkritan susaaniko Mongolbar salo, Dawa Gittinggre kal•chakramo ong•atangaha.
Dawa Gittinggre-o ian skanggipa changna Williamnagar constituency gimikna Songkritan chroksusaaniko ong•ataniba ong•aha aro ia susaanio, Williamnagar jolrango donggipa dol 12 manderang bak ra•angtokaha.
Ia Songkritan susaaniko ong•atanio, Meghalaya a•dokni Cabinet Minister aro Williamnagar MLA Marcuise N Marak, mongsonggipa sokgipa ong•e jinmana aganprakangengon, Songkritanni gimin talatanirangko on•angenba, ia chang Williamnagar jolni manderangna ia songkritan susaaniko ong•atani giminba talate on•angaha. Mikkang bilsirango, gipin biaprangoniko okame bak ra•atgenchimode ian Williamnagar jolni manderangna didiani aro skidapani ong•naba donga ineba Marak, an•tangni miksonganirangko jinmana parakangaha.
Ia songkritan susaaniko Marak an•tangan a•bachengateba on•angjolaha.
Ia susaanio chegiparangnasan ong•aigija, bak ra•gipa dolrangnaba, uamangni ka•oksibee bak ra•ahani gimin dolpraknan Williamnagar MLA, gong 5000 tangkako boksis dake on•ataha.
Ia songkritan susaanio, Chekwegre song chegipa ong•e, gong 25,000 tangkako boksis dake man•angaha, Rongongre song gnigipa ong•e, gong 15,000-ko aro Cherangre song, gittamgipa ong•e, gong 10,000 tangkako boksis dake man•angskaaha.
Susaanirang matchotani ja•man, ia program-ona re•bae bak ra•gipa pilak manderangan apsan chroke, ia Dawa Gittinggre Damsing Youth Club-ni ong•atgipa Songkritanko nambee matchotataha.
Na·simang iakoba nina man·gen:
Na·simang iakoba poraina man·gen: SWGH-o dongnue dongipa gulirangko man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
