Shillong, Apr 20: Deficit grant-in-aid skul aro college-rango kam ka•enggipa manderang, Meghalaya Non-Government Schools & Colleges Employees Centralised Fund Scheme 2026-ko jegalatenba, deficit skul aro college-rango kam ka•enggipa manderang, mongsongbate kamoni neng•take tangka paisana neng•nikanirangko man•enggipa manderangni namgnina dongimin niamrango pangchake ja•kuko de•china sorkariko didiataha.
Iani bidingo kobor ra•timgiparangna talataniko on•angengon, da•o jinmana u•iatgipa 2026 bilsini Pension Scheme-ara, 2023 bilsini draft scheme baksade dingtanggrikani gimin ia scheme-ko deficit skul aro college-rango kam ka•enggipa manderang ra•chakna jechakenga ine Mongolbar salo, Khasi Jaintia Deficit School Teachers Association (KJDSTA)-ni president Bosswell Pala parakataha.
Pala-ni u•iatani gitade, ia scheme-ko deficit skul aro college-rango kam ka•giparang jegalengoba aro ian da•o kacharini jakosa ong•engoba, sorkari ia gital scheme-ko ra•gatna ja•ku de•chakataha aro kam ka•enggipa aro kamoni neng•takgimin pilak manderangnan ia gital system-ni ning•o PRAN account-rangko kulichina u•iataniko on•ataha.
2010 bilsini April jana skang kamko jako ra•giparangkode Meghalaya Non-Govt Schools & Colleges Employees Centralised Provident Fund Act 1969-ni ning•o man•a aro uni ja•man kam ka•giparangde 2023 bilsini May jao u•iatgimin gita National Pension System-ni ning•o ga•akskaa indiba 2026 bilsini Pension Scheme-ode ia dingtanggrikaniko ja•rikjaha ineba KJDSTA-ni president parakataha.
Indake ong•engon, deficit skul aro college-rango kam ka•giparangni namgnina, mongsongbate kamoni neng•takmane tangka paisani gita neng•nikanirangko man•enggipa manderangni namgnina aino pangchake ja•kuko de•china aro ia gital Pension Scheme-ko nipiltaichina gita Pala, a•dok sorkariko didiataha.
Na·simang iakoba nina man·gen:
Na·simang iakoba poraina man·gen: AASU, Guwahati-o chi skate dongenganina jegalgrima, dongge-rang namjani a·sel ine matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
