Dibrugarh, Sept 6: Mingsinggipa breast cancer reasearcher Dr. gayatri Gogoi-ni tarigipa Self Breast Examination (SBE) Demonstration Model, Patent Office, India Sorkari-ni ning·o design patent-ko man·aha aro ua patent-ko (Design No: 395195-001) Controller General of Patents, Designs and Trademarks, una on·ataha.
Assam Medical College and Hospital (AMCH), Dibrugarh-ni Associate Professor, aro ICMR-Regional Medical Research Centre, North East-ni Adjunct esearcher ong·e, Dr Gogoi India-ni me·chikrango breast cancer-ko ja·manchake rim·a man·anio dakchakna ine ua model-ko tariaha. U·i-ma·sianirang komiani a·sel aro screening-ni cholrang jekai mammography-ni dam rakani aro technical expert-rangko nangani a·sel breast cancer-ko bang·bata somoion ja·manchake rim·a man·ronga.
“Breast cancer-an a·gilsako aro India-o bang·bate man·gipa cancer sabisi ong·enga. Minute bri-prakon, gital breast cancer case-rangko man·enga aro unoni 50%-ko ja·manchake rim·a man·enga. Mikrakataniko on·ani aro screening program-rangko nambate dakaniko nangchongmotenga,” ine Dr. Gogoi aganaha.
SBE Demonstration Model-ko jakkalanichi altuae, koros komie aro samtangtangna mamung nisianiko ra·bagija ASHA-rang aro ANM-rangna skie on·anirangko dakna man·a. Uan bimang cheng·a, jakkalanio kenani dongja, aro uko jinmarango jakkale mesoke skina man·a baksana uko salantio jakkalgipa bosturangoniko taria. Ia model-o jakkalani bewalko mesokani gimin, me·chikrang ka·donga gnang an·tangtangko sabisina porikka ra·e nina man·gen.
Primary health centre-rang aro sub-centre-rango ia model-ko jakkalgenchimode, seng·gnang sabisiko rim·a man·e manderangko signioniko jokatna man·gen aro uandaken dingtanganiko ra·bana man·gen ine Dr. Gogoi talataha. Uni kam ka·anio AMCH aro Pratishruti Cancer and Palliative Trust dakchakaniko on·aha. Ia model-ni prototype-ko mesokaniko YouTube-p “Self Breast Examination by Dr. gayatri Gogoi” ine sandigenchimode nikna man·gen.
Na·simang iakoba nina man·gen:
Na·simang iakoba poraina man·gen: Tura Bazar Parking area-o mande saksani manggisiko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
