Imphal, Jul 1: Ru•uta sal somoirangonin Manipur a•doko so•sojengjeng ong•aniko namatchipna man•kujaengon, Budbar saloba changsataie, India aro Myanmar a•songni sima samba jolo donggipa Kamjong a•jani dingtang dingtang songrango so•sojengjeng ong•anirangko knasona man•taiaha.
Koborko on•ani gitade, Kamjong a•jao Kukirangni Phaimol song aro Tangkhul Nagarangni Kongkan Thana aro Shangkalok songrango, adita nokrangko so•chipe galaha indiba ia a•sel ong•anio manderang siama sija da•o dipet maming koborko man•soa dongkujaenga.
Ia songrango donggipa Kuki aro Nagarang, jatsa jatgipinko matnanggrikenba, so•sojengjeng ong•anirangko knasona man•aha.
Kuki Inpi Manipur (KIM) dolni parakatani gitade, Phaimol songko NSCN-IM-ni manderang, Myanmar a•songoni chalaienggipa Shanni Nationalities Army (SNA) baksa nangrime chadrapeaha aro adita nokrangko so•chipe galangaha. Ia songo donggipa Assam Rifles sipai dolni security post-ko ra•galpilani ja•man, NSCN-IM-ni manderang, SNA-ni dakchakanichi, ia songko chadrapeaha ineba KIM matnangataha.
Indake ong•engon, Nagarangni Kongkan Thana aro Shangkalok songrangko chadrapeanio aro nokrangko so•chipe galanio Kuki National Army-B (KNA-B) baksana dingtang dingtang Kuki dolrang jak donga ine ia Naga songni dilgiparang matnangatskaaha.
Na·simang iakoba nina man·gen:
Na·simang iakoba poraina man·gen: Me•chik cricketer-rangni kosako kragija dakani bidingo ja•ku de•chipjani gimin MSCW sing•doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
