Shillong, Jul 1: Meghalaya sorkarini One-Time Settlement (OTS) Scheme, jekon ia 2026 bilsini May 27 tariko sorkari namnike ra•chakaha, ia scheme-ko June-ni 11 tariko a•bachengataha. Ia OTS scheme-ara, para salgipa garirangni gamchipgija donenggipa grorangko matchotatna gita sorkarini on•enggipa scheme ong•a.
Ia scheme-ni ning•o Motor Vehicle Tax aro Goods & Passenger Tax-ni grorangko 80 percent-ona kingking watani donga aro Fitness Certificate-o gro donggiparangnaba 90 percent-ona kingking watani donga.
Bol 65,000-mangni gita garirang, kajina gamanio grorang dongkuenga aro ia garirangoniko man•na nangkuenggipa grorangara, gong crore 1,043-mang ong•a. Ia scheme-ni ning•o a•dok sorkari, crore 926-mangni gita grorangko wate, gong crore 117-ko man•pilna gita nisan ka•enga aro ia 2026 bilsini June 26 tarikona kingkingde gong crore 4.48-ko sorkari man•pilaha.
Ia scheme-ko sorkari, August 31 tarikona kingking oe donenga.
Na·simang iakoba nina man·gen:
Na·simang iakoba poraina man·gen: Dorothy R. Marak-ni poedo Tingtot Ripamchi-III ki•tapko Captain Williamson Sangma State University-o oprake on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
