Shillong, Jul 1: Meghalaya a•dokni Under-23 Women’s Cricket Team-ni ning•o cricket kal•gipa adita sak me•chikrangko drae til•ekna jotton ka•aha ine matnanganirangko man•ahaoba, iani bidingo jabonga batpile maming ja•kurangko de•chipjahani gimin Meghalaya Cricket Association (MCA)-ko Meghalaya State Commission for Women (MSCW) sing•doataha.
Ia a•selni bidingo kobor ra•timgipa manderangna talataniko on•angengon, U-23 Women’s Cricket Team-ni adita sak me•chikrangni kosako cricket dolni head coach aro gipin official-rang, kragija kamrangko ka•aha ine badi ka•anirangko man•soani ja•mansa Commission, ia a•selni bidingo ning•tue am•sandianirangko dakaha aro sakkirango pangchakesa, me•chikrangko ong•gija dakgipa official-rangni kosako ja•kuko de•china rai on•aha ine MSCW-ni Chairperson Iamon Syiem parakataha.
Syiem-ni parakatani gitade, Under-23 Meghalaya Women’s Cricket Team-ni official sakbri, Sexual Harassment of Women at Workplace (Prevention, Prohibition and Redressal) Act, 2013-ko pe•aha ine matnangenba, ia official sakbrini kosako badi ka•aniko ia 2026 bilsini May 4 tariko man•soaha aro iani bidingo me•chik cricketer-rang baksa agangrike, matnanga man•gipa official-rangni agananikoba uamang dingtang knatime ra•enba, ia cricket dolni head coach aro assistant manager, POSH Act-ko pe•aha ine raiko on•angaha.
Commission-ni rai on•aniko man•ani ja•man head coach aro assistant manager-ko ra•galataha ine janapatengon, Commission-ni rai on•aniko chu•sokatanide MCA-ni jakosa ong•aia ine Syiem parakataha.
Me•chik cricketer-rangni kosako kragija kamrangko ka•aha ine matnanganirangko man•ani ja•manba jabongana kingking maming ja•kurangko de•chipjahani giminba MCA-ko MSCW-ni Chairperson matnangataha aro an•tangtangni kosako ong•gija dakanirangko kenmangijan parakeahani gimin ua dingtangmancha me•chik cricketer-rangkoba mittelpilangaha.
Na·simang iakoba nina man·gen:
Na·simang iakoba poraina man·gen: Guwahati-o Japanese Language Teacher Training Programme ko abachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
