Guwahati, July 1: Assam Skill University (ASU), Japan Foundation (JF) aro Indo-Japan Business Council (IJBC) nangrime, Budbar salo, India-ni Salgro-salaram a•dokrangna Japanese Language Teacher Development Programme-ko Guwahati Birubari-o donggipa University-o oprakaha.
Ia tom•anio, Assam Skill Employment aro Entrepreneurship Minister Bishwajit Daimary, Assam Skill University-ni Registrar Hanif Noorani, ACS, Japan Foundation-ni Director General Koji Sato, University ni-Officialrang, skigiparang aro chatro-chatrirang bak ra•paaha.
AdvertisementIako a•bachengatanichi Salgro-salaram a•doko dongenggipa chadamberangna kamrangko man•ani namgipa chol mingsa ong•a ine Minister Bishwajit Daimary kobor ra•timgiparangna aganangaha.
Uni aganani gitade, da•o skanggipa batch-o sak 29 skigiparang, Japanese ku•sikko skie ra•enga. Ja•mano ia skigiparangan gipin chatro-chatrirangna Japanese ku•sikko skie on•anggen jean uamangna Japan a•songo kamrangko man•a gita dakchakgen.
Chief Minister Hemanta Biswa Sarma-ni dilachi, Assamese chadamberangna bang•bea chol aro ramarangko India-ni a•palo kam ka•na gita tariaha ineba Daimary aganaha.
Ia ja 8-na ra•enggipa Intensive Programme Japanese ku•sikko a•bachengaonin che•em che•em skie on•anggen. Indake skie on•anichi India aro Japan a•songni gisepo nangrimgrikanikoba namdapatgen aro jatni dakbewalrangkoba ma•sina man•batgen.
Bading chiwalgrikanioba Japanese ku•sikko man•genchimode an•ching altubee bading-chiwalna gita man•gen aro tang•dobatgen. Jat gipinni ku•sikko aganna man•aniara namen gamchatbea aro bang•a somoion dakchakaniko on•a.
Mizoram-ni saksa skie ra•enggipa ia Training Programme-o bak ra•pae an•tangni gisiko namen katchaaniko parakaha, jeon ua sea jotanikosan ong•aigija, mikkang-parak agan-golpogrike skie ra•na gitaba man•enga.
Chatro-chatrirang bang•batan Japan-o kamrangko ka•na gita gisiko skanirang gnang indioba Japanese ku•sikko man•pajani gimin uamang cholrangko man•paja. Indake ong•engon, ia Training Programme-ko oprake on•anichi ja•man-jawilo skie ra•enggipa sakantinan namgipa bakrimpa•aniko aro janggi tangna gita chu•sokgipa kamrangko Japan-o ka•na cholko man•angpagen.
Na·simang iakoba nina man·gen:
Na·simang iakoba poraina man·gen: Para salgipa garirangna OTS scheme-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
