Shillong, Aug 2: Meghalaya a·dokni Skotong Minister Conrad K. Sangma, Dominic Megam Sangma-ni A·chikkuchi tarigipa ja·wilwat ‘Rimdogittanga (Rapture)”-ni chang 71-gipa National Film Awards-o Best Feature Film Awards-ko man·ahanina nama skaniko on·ataha.
Ia award-ko man·aniara A·chik jatko aro A·chikrangni janggi tangani golpoko gipinrangna gipatanio a·dokna dal·a chu·sokaniko ra·baaha, ia award-ko ua aro uni dolni manderang man·a krachong·mota ine, Skotong Minister uni social media account-o seachi nama skaniko on·ataha.
Rapture ja·wilwat, ian Anna Films baksa bakrime Dominic Sangma-ni tarigipa ong·a. Ia ja·wilwato bilsi 10-san ong·kuenggipa me·a bi·sa jean walni somoio mikdo nangani a·sel mikron nikjachim aro uamangni songo bi·sarangko rim·sruke ra·enga ine jangbingani gimin kenchipchipe janggi tangenggipani golpo ong·a. Ia golpoo A·chikrangni bebe ra·e janggi tangani gimin janape tariaha.
Ia National Award-ko on·ani somoio, Rajat Kamal(Silver Lotus)-ko man·an baksa tangka gong lakh 2-koba ia ja·wilwat boksisko man·aha.
Indake, a·dokni ja·wilwat tarina sapgiparangko tang·doatna miksonganio a·doko Film Institute-koba sorkari a·bachengate on·aha.
Na·simang iakoba nina man·gen:
Na·simang iakoba poraina man·gen: Sal-6 ong•pilaona kingkingba, Umiam-o sripe gimagipa mandeko man•kujaenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
