Shillong, May 31: Wahthapbru-o donggipa Mission Compound-oni Jaiaw Pdeng-ona dakanggipa Dr Friday Lyngdoh Road-ko Sonibar salo, Meghalaya a·dokni Deputy Chief Minister aro PWD (Roads) Minister Prestone Tynsong, oprake on·angaha.
Ia ramako oprake on·anganio, North Shillong-ni MLA Adelbert Nongrum, KHADC-ni Chairman Strong Pillar Kharjana aro gittimni dilgiparangba dongpae bak ra·angaha.
Mawkhar constituency-ni gitcham MLA Dr Friday Lyngdoh-na mande ra·pilskaani chin gita ia ramako uni bimingchi mingaha.
Ia ramako oprake on·na gita Mission Compound Dorbar Hall-o tom·aniko ong·atangaha aro ia tom·anio a·dokni Deputy Chief Minister, jinmana aganprakengon, 2003 bilsioni 2013 bilsiona Dr Lyngdoh baksa Congress party-o apsan kam ka·rimako gisik ra·atpilaha.
Dr Lyngdoh-ko saksa skigipa aro sakgipinrangko didigipa ine janapatengon, an·tangni janggi tanga gimikan ua, manderangni namgninasa kamrangko ka·aha ine Tynsong aganaha.
Uni namgipa kamrangko ja·rikchina gita ua, Dr Lyngdoh-ni nokdang aro ma·drangrangkoba didiangaha.
Na·simang iakoba nina man·gen:
Na·simang iakoba poraina man·gen: Wari Chora-ko biming sesretanina GSU jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
