Chokpot, May 31: South Garo Hills a·jani Chokpot Civil Sub-Division-ni ning·o mingsinggipa biaprangoni damsa Wari Chora-ko, Garo Hills Autonomous District Council (GHADC)-ni taridapanio, ‘Wari Chori’ ine sesretahani gimin Garo Students Union (GSU) Chokpot regional unit, suk ong·gijaniko parakatenba, ia biapni bimingko ta·raken ong·e sepiltaichina dabiangaha.
Iani bidingo u·iataniko on·atengon, a·gilsak gimiko mingsing minggamako man·enggipa Wari Chora-o, ‘Dress Walkway & Tourist Convenience’ project-ko GHADC-ni Tourism department jako ra·e tariaha indiba Wari Chora bimingko, ‘Wari Chori’ ine sesretaha aro iakon GHADC-ni Chief Executive Membor (CEM) Dhormonath Ch Sangma, re·anggipa May-ni 23 tariko, oprake on·angaha ine GSU Chokpot regional unit-ni president Jish A Sangma parakataha.
Ia biaprangara, Meghalaya a·doko dongnugipa gamrang gita ong·a ine janapatengon, a·gilsak gimiko mingsing minggamenggipa biaprangni bimingrangko see parakengon simsakbena nanga ine ia biapni bimingko ta·raken ‘Wari Chora’ ine ong·e sepiltaichina GSU Chokpot unit-ni president, GHADC-ni dilgiparangko didiataha.
Na·simang iakoba nina man·gen:
Na·simang iakoba poraina man·gen: Allagre CHC-o chi-na neng•nikaniko man•enganina aro dortor-rang duty-chi tik ong•e re•bajaengani manderang matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
