Williamnagar, June 28: Budbar salo, Tura-ni MP Agatha K Sangma, Meghalaya a•dokni PHE Minister aro jolni MLA Marcuise N Marak baksa, East Garo Hills a•jao ka•enggipa ma•mong sorkarini dingtang dingtang scheme-rangko nipilangaha.
Ia tom•aniko District Development Coordination & Monitoring Committee (DISHA)-ni ning•o ong•atangaha aro tom•anio East Garo Hills a•jani Deputy Commissioner Vibhor Aggarwal baksana dingtang dingtang department-ni officer-rangba bakko ra•angaha.
Ia tom•anio Pradhan Mantri Awas Yojana-Gramin (PMAY-G) scheme-ko nipilangengon, ia scheme-ko man•enggipa mitam manderang, gittimtangtangni ramarangko tarina gita tangka paisarangko jakkalna skaniko paraktokenga ine Williamnagar-ni MLA Marcuise N Marak janapatenba, ia tangkarangara ramarangko tarina miksonge chamgipa tangka paisarang ong•jani gimin ramarangko tarina gitade jakkalna man•jawa ine ia scheme-ni bidingo manderangna agan-talate on•skachina Block Development Officer-rangko ge•etangaha.
Pradhan Mantri Gram Sadak Yojana (PMGSY)-ni bidingo chanchirimangskaengon, East Garo Hills a•jao gimik kilometre 234.911 ong•gipa dil 67 ramarangko tarina ia scheme-ni ning•o tangka paisarangko chamataha aro ianoni dil 40 ramarangkode matchotmanaha ine officer-rang parakataha. Kamrangko somoi gita matchotjaenggipa contractor-rangni kosako rakgipa ja•kurangko de•china gita Tura-ni MP, ge•etaniko on•angaha.
Ia tom•anio PHE-ni Jal Jeevan Mission aro Swachh Bharat Mission, Health & Family Welfare department-ni Meghalaya Health Sector Strengthening Project (MHSSP) aro Pradhan Mantri Bharatiya Jan Aushadhi Pariyojana (PM-BHIM), Integrated Child Development Service (ICDS)-ni Poshan Abhiyan, Soil & Water Conservation department-ni Pradhan Mantri Krishi Sinchai Yojana aro uandakgipa dingtang dingtang department-ni scheme-rangkoba Tura-ni MP niangaha.
Iakoba poraie nina man·gen: NAAC-ni accreditation-o Shillong College A+ aro CGPA 3.33-ko man·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
