Shillong, Apr 23: Mongolbar salo, a•dokni Education Minister Rakkam A Sangma, a•dokni chadamberangoni darangba Civil Services Exam-o chu•sokgipa dongjaengani gimin, uni gisiko namen suk ong•gijaniko parakataha.
Batanggimin 2023 bilsio, Shillong songjinmani chadambe, Swapnil Bhattacharya, UPSC-ni ong•atgipa Civil Services Exam-o, All India Rank (AIR)-o 344 gipa biapko man•e chu•sokgipa ong•enba, Meghalaya a•dokna mikkim rasongko ra•baahachim.
Indake, ia bilsio saksaba ia porikkao chu•sokna man•gijaniara namen rasong gribeani ong•a ine Sangma aganaha.
“Ian sorkarina, pilak institution-rangna, skigiparangna aro a•dokni chadamberangna de•mesaani ong•enga. A•dokni chatro chatrirang darangnaba komigipa jamanchakgipa ong•ja ine chinga bebera•a, indake ong•genchimoba, da•o ong•enggipa obostarangko niatgenchimode, iani gimin namen chanchirimna nangenganiko nika” Sangma aganaha.
Indake, ia a•dokni chadamberang saksaba Civil Services Officer-rang ong•na man•jagenchimode, mikkangchi re•baenggipa chasongrangrang delmruaigipasan ong•gen, uni gimin chadambe sakantian, an•tangan an•tangtangko didina nangenga ineba ua didiataha.
Unbaksana, chadamberangni ia porikkarango pass ka•jaengani a•selrangara, bi•sarangna on•gimin curriculum aro institution nama ba namgijani aro chadamberangni gisiko, be•en bimang aro gisikni gita a•songni namgipa skia poraiani gadangrang baksa nangrimjani gimin ong•enga ine uni chanchichipenganikoba ua parakataha.
“Pilak neng•nikanirangko chagronge mikkangchakgrikna, an•chingni chatro chatrirangara, a•songtangni aro gipin a•songrangni namgipa skia poraiani gadang baksa nangrimengama nangrimjaenga, uko institution-ba niatna nanggen. Sorkarini gitade, chingaba bil ama dipet gisiko nanggiparangna skie on•aniko dakengachim, indake ong•genchimoba, maion komianiko man•engachim, u•inan man•jaengaha” ine Sangma janapataha.
Na·simang ia video-koba nina man·gen:
Na·simang iakoba poraina man·gen: ICFAI University Tura World Book Day aro Copyright Day-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
