Shillong, Dec 5: Justice B. P. Katakey-ni Committee, Meghalaya-ni Chief Secretary-ko East Jaintia Hills-o niamgri koela bikotaniko champengatchina namen rakbegipa ge·etaniko on·ataha. Lumbangla songo niamgri koela bikotani bidingo VPP-ni MLA Brightstarwell Marbaniang-ni badi ka·a jaman ia ge·etaniko on·ataha.
Meghalaya High Court-na on·egipa uamangni 34-gipa Interim Report-ni gitade, 2014 bilsio National Green Tribunal-ni champengata baksana 2019 bilsio Supreme Court-ni gitaba ia champengataniko mangrakate on·ani gisepon niamgri koela bikotaniko champengatna man·jani gimin Committee-ni gita Deputy Commissioner aro East Jaintia Hills-ni Superintendent of Police-ko matnangataha.
Committee-ni gita Deputy Commissioner aro Superintendent of Police-ko niamgri koela bikotgipa biaprangko sandie, ua biaprango re·roroe am·sandianirangko bariatchina ge·etaniko on·ataha. Iani gisepon, ia ge·etanio pilak napani aro ong·katani biaprango niamgri bikotgipa koelarangko salruraaniko champengna name nirok sandianiko dakchinaba janapataha. Ia dolgni official-rangkon name nianiko dakna tarisamsoanirangko an·tangan nirok sandichina aro jaanti mai mai ja·ku de·anirangko dakahachim uni report-rangko Chief Secretary ba Additional Chief Secretary-na on·china u·iataha. Ia niamgri koela bikotaniko chu·gimik champengatsrangna gita Chief Secretary, ge·etanirangko dakjringskana nanggen.
Uamangni am·sandie nianiko dakanio, Committee-ni gita Lumbangla-o niamgri koela bikotani bidingo FIR-ko segatna ru·utataniko mesoke on·angaha. 2025 bilsini September jani 28 tariko badi ka·aniko man·sogenchimoba, 2025 bilsini October 6 tarikosa case-ko segataniara, ia case-ko jako ra·e kamko ka·ani bidingo police dolrangni kamo bebe ra·na amgijaniko nakatataha. Bang·bea niamgri koela bikotani sakkiko man·ani gisepon, koela salgipa gari dumper bolgni mangmangkosan rim·aniko nikna man·aha. Indake ong·engon, indita bilsina cement-chi tarigipa bari kadulpilgipa biaponiko 2,112 metric tonne koelarangko bikote chalaienggipa biapko sandie man·gijanina police dolrangko ia sing·doataha.
Katakey Committee-ni gita pilakkon niatgenchim ong·ode, ian District Administration aro Police Department-ni kam ka·anirang tik ong·gijaniko mesoka, jean a·jao niamgri koela bikotaniko name champengataniko dakjaha.
Na·simang iakoba nina man·gen:
Na·simang iakoba poraina man·gen: Dy CM Dhar, Mootyrchiah songo Christmas Lighting Festival-ko oprake on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
