Umrangso, Dec 5: Sukrobar salo Assam-ni Skotong Minister Himanta Biswa Sarma, Dima Hasao a·jani ning·o donggipa Umrangso-o India-ni Skanggipa State of the Art Cricket Stadium-ko nokdonggae on·angaha. Assam Cricket Association (ACA) aro Dima Hasao Autonomous Council-ni rikgipa ia kror 11 damni project-ara, a·doko cricket kal·aniko ra·doanio mongsonggipa dakchakani on·a ka·dongsoenga.
Ia nokdonggae on·anio mongsonggipa dilgiparang jekai Dima Hasao-ni CEM, Assam Sports and Youth Welfare Minister Nandita Garlosa, BCCI-ni Secretary Debajit Saikia, ACA-ni President Taranga Gogoi aro bang·a jolo songdonggipa manderangba dongpae bak ra·angpaha.
Chasong gital aro samtangtango donggiparangna nangchakea grigipa ia gital rikgipa stadium-o sak 15,000 asongchakani biaprang dongan baksana iano dam 5 skichakram biaprang dongani gimin ia stadium-ara chua gadangni training-rang aro dal·dalgipa cricket kal·susaanirangko ong·atna kragipa biap ong·enga.
Skotong Minister Himanta Biswa Sarma, Stadium rikgipa ia biapko namnikenba ra·doe aganengon, ia kal·chakram biapo floodlight-rangkoba on·china ku·pattianiko dakangaha. BCCI-ni Secretary Debajit Saikia, 2021 bilsio ia gital Stadium-ko rikna a·arangko on·ahanina Dima Hasao Autonomous Council-ko de·mitelatan baksana bilsi 3-na kamrangko name ka·anichi iako matchotatna gita man·aha ineba janapataha. Sports Minister Nandita Garlosa, ia gital Stadium-ko rikaniara Umrangso-o Tourism Sports-ko ra·dona aro bang·a chadamberangkon cricket kal·na gisiko didianiko ra·bana dakchakgen ineba aganangaha.
Ia gital rikgipa stadium-ara, Assam a·doko cricket kal·ani mongsonggipa biap ong·atan baksana jolo cricket kal·na gisiko nanggiparangko ra·dona aro mikkangchi dal·dalgipa tom·bimonganiko ong·atna dakchakaniko on·a ka·dongsoenga.
Na·simang iakoba nina man·gen:
Na·simang iakoba poraina man·gen: EJH-o niamgri koela bikotaniko champengatchina M’laya sorkarina ge·etaniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
