Shillong, May 1: Shillong songjinmaoni km 35-mang chel•ao donggipa East Khasi Hills a•jani Kharang songo skanggipa changna bolchi tarigimin garirangni salsusaaniko ong•atangaha.

Ia gari salsusaaniko Meghalaya a•dokni Sports Minister aro joltangni MLA Banteidor Lyngdoh a•bachengate on•angaha aro bol gari salsusaanio Kharang songni manderang aro mongsongbate bi•sarang bakko ra•angtokaha.

Gari salsusaaniko ong•atanio mikkarang wagenchimoba, a•doko skanggipa changna bol gari salsusaaniko ong•atahani gimin dingtang dingtang biaprangoni bang•bea manderang, gari salsusaaniko nina re•batokaha.

Ia bol gari salsusaaniko ‘Khasi Hills Challenge 1.0’ ine bimingko done ong•ataha aro ia salsusaanio bakko ra•giparang, kilometre 30-ni ramako salna gita nangtokaha.

Bol gari salsusaanio Kevin Khyllait chegipa ong•e gong 10,000/- tangkako boksis dake man•angaha.