New Delhi, Apr 8: Foreign Contribution Regulation Act (FCRA) Amendment Bill-ni mongsonggipa niamrang, mongsongbate gam-jinrangko rim•anio nangchakegipa kamrangni bidingo agangrikna gita Budbar salo Meghalaya a•dokni Chief Minister Conrad K Sangma, Union Minority Affairs Minister Kiren Rijiju-ko New Delhi-o grongeaha.
Union Minister-ko grongeanio Chief Minister baksana Deputy Chief Minister Prestone Tynsong, Catholic Bishops Conference of India (CBCI)-ni President Anthony Cardinal Poola, Secretary General Anil Joseph Thomas aro gipin dilgiparangba dongpaaha.
Chief Minister-ni dilanichi, FCRA Amendment Bill-ni bidingo Union Minister baksa agangrikengon, Meghalaya aro salgro salaram a•dokrango, mongsongbate diltugipa Tribal a•jarango gipin a•songrangni dakchake on•enggipa institute-rangni, lekka pora, an•seng baljokani aro songsalna dangdike on•enggipa kamrangni gimin janapangaha.
Taridapna miksongenggipa niamrangni gimin janapangengon, gam-jinrangko rim•na dongimin niamrangni bidingo dingtang dingtang Catholic dolrangni aro civil society organization-rangni jajrengsoengani gimin Chief Minister aro gipin dilgiparang, Union Minister-na janapangaha.
Ia niamrangko ra•chakna skang, nambate chanchirimchina gitaba uamang, ma•mong sorkariko didiangaha.
Union Minister-ko grongeani ja•man kobor ra•timgipa manderang baksa agangrikengon, FCRA Amendment Bill-ko taridapanio bang•bata Kristian dolrangan, gam-jinrangko rim•na dongimin niamrangna jajrengchakengani gimin uamang, Union Minister-na janape on•baaha ine Chief Minister Conrad K Sangma parakataha.
Chief Minister-ni aganani gitade, uamangni janapanirangko knatime ra•ani gimin ia niamrangko ra•chakna skang name nipiltaina gita Union Minority Affairs Minister Kiren Rijiju ku•rachakaniko on•ataha.
Na·simang iakoba nina man·gen:
Na·simang iakoba poraina man·gen: UDP MLA, Meghalaya a·dok sorkariko ma·gitcham pagitchamrangni bewalo koela bikotaniko on·taipilchina didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
